Хуссар Иры хицауад рахицӕн кӕндзӕн фӕрӕзтӕ медиктӕн фиддонтӕн

© Sputnik / Александр Кряжев / Ахизын фотобанкмӕХуссар Иры хицауад рахицӕн кӕндзӕн фӕрӕзтӕ медиктӕн фиддонтӕн
Хуссар Иры хицауад рахицӕн кӕндзӕн фӕрӕзтӕ медиктӕн фиддонтӕн - Sputnik Хуссар Ирыстон, 1920, 21.01.2022
Бафыссын
Yandex newsTelegram
ЦХИНВАЛ, 21 янв – Sputnik, Гӕбӕраты Элина. Хуссар Ирыстоны хицауад ӕввахс рӕстӕджы рахицӕн кӕндзӕн финансон фӕрӕзтӕ медиктӕн, кӕцытӕ кусынц "сырх зонӕйы". Уый тыххӕй Бибылты Анатолий фехъусын кодта хицауады рабадтыл, кӕцы ацыд майрӕмбоны.

"Медиктимӕ куы фембӕлдтӕн, уӕд сын фехъусын кодтон, уыдон кӕй райсдзысты фиддонтӕ 2021 азы декабры онг. Махӕн зын уыд ссарын фӕрӕзтӕ фарон, цӕмӕй рахицӕн кӕнӕм фиддонтӕ. Фӕлӕ мах уӕддӕр ссардтам фадӕттӕ", - банысан кодта президент.

Президент бафтыдта, зӕгъгӕ, медиктӕ райсдзысты сӕ фиддонтӕ мыздимӕ иумӕ февралы райдайӕны.
Бибылты Анатолий загъта бузныг "сырх зонӕйы" медицинон кусджытӕн хицауад ӕмӕ Хуссар Ирыстоны адӕмы номӕй удуӕлдай куысты тыххӕй.
Афтӕ ма фиддонтӕ райсдзысты Дзауы районы ӕртӕ бинонтӕ, кӕцытӕн басыгъдысты сӕ хӕдзӕрттӕ. Уыдонӕн рахицӕн кӕндзысты фӕйнӕ сӕдӕ мин сомы хицауады фӕстауӕрцон фондӕй, фехъусын кодта президент.
Уымӕй дарддӕр министртӕ схъӕлӕс кодтой, цӕмӕй дарддӕр кӕной Ӕхсӕнадӕмон Сырх Дзуары комитеты минӕварады уӕвынады ӕмгъуыд республикӕйы ацы азы 31 декабры онг.
Ног хабӕртты лентӕ
0