Хуссарирыстойнаг уӕзисджытӕ ӕнтыстджынӕй сархайдтой Дзӕуджыхъӕуы фыццагады

© Фото из архива тренера Александра КасабиеваКӕсӕбиты Майрӕм
Кӕсӕбиты Майрӕм - Sputnik Хуссар Ирыстон, 1920, 22.01.2022
Бафыссын
Yandex newsTelegram
ЦХИНВАЛ, 22 янв - Sputnik, Хъуылымбегты Зӕлинӕ. Хуссарирыстойнаг уӕзисӕг Кӕсӕбиты Майрӕм ссис уӕззау атлетикӕйӕ Цӕгат Ирыстоны ерысты уӕлахиздзау, фехъусын кодта Sputnik йӕ тренер Кӕсӕбиты Инал.
Ерыстӕ сты ӕрвылазон , ацы аз сӕ хайад райстой 30 спортсмены.
"Майрӕм ссис фыццагады уӕлахиздзау 81 кг кӕзы категорийы. Уый фыццаг хатт басаста ахӕм уӕз - дыууӕ дисциплинӕйы уый ӕмткӕй систа 270 кг. Ацы бӕрӕггӕнӕнтӕ сты фондз килограмм фылдӕр Уӕрӕсейы спорты мастеры нормативӕй", - радзырдта уый.
Ныртӕккӕ спортсмен, тренеры ныхӕстӕм гӕсгӕ, цӕттӕ кӕндзӕн Уӕрӕсейы фыццагадмӕ, кӕцы ацӕудзӕн февралы кӕрӕтты.
Уымӕй дарддӕр ма хуссарирыстойнаг уӕзисджытӕ рамбылдтой ерысты дыууӕ сыгъзӕрин, иу ӕвзист ӕмӕ иу бронзӕйон майдан.
Ног хабӕртты лентӕ
0