Хуссар Иры ссардтой Аргентинӕйаг удав

Аргентинӕйаг удав - Sputnik Хуссар Ирыстон, 1920, 27.01.2022
Бафыссын
Yandex newsTelegram
ЦХИНВАЛ, 27 янв - Sputnik, Плиты Фатимӕ. Хуссар Ирыстоны Знауыры районы Аунеуы хъӕуы цы стыр калм ссардтой, уый разынд аргентинӕйаг удав, фехъусын кодта Sputnik биолог, телеамонӕг Габайты Владимир.
Калмы къам апарахат ис ӕртыццӕджы социалон хызӕгты. Ссардтой йӕ бынӕттон цӕрджытӕ цӕугӕдон Пронейы. Ис хъуыды, зӕгъгӕ, ацы бырӕгӕй удхар кодтой, 2021 азы кӕрон Цхинвалы цы нӕлгоймаджы адавтой, уый.
Калмы мыггаг сбӕлвырд кӕнынӕн барадхъахъхъӕнӕг органтӕ бахатыдысты Габайты Владимирмӕ.

"Фыццаг ӕй фенхъӕлдтон "сетчатый питон", фӕлӕ бӕстондӕр бӕрӕггӕнӕнты тыххӕй бахатыдтӕн мӕ уӕрӕсейаг коллегӕтӕм. Санкт-Петербурджы зоологийы институты кусӕг Константин Мильто сбӕлвырд кодта, уый кӕй у аргентинӕйаг удав.Тӕссаг нӕу адӕймаджы цардӕн, фӕлӕ гӕнӕн ис ӕмӕ фӕхӕца", - загъта биолог.

Габайты Владимир банысан кодта, ахӕм кӕлмытӕ ӕввахс регионты ӕрдзы кӕй нӕ цӕрынц, хъомыл сӕ кӕнынц сӕрмагонд уавӕрты хӕдзары.
Цӕмӕй калм бӕстонӕй ахуыр ӕрцӕуа, уый тыххӕй уӕрӕсейаг специалистты хъӕуы удавы сӕр.
Ног хабӕртты лентӕ
0