Петроченко Андрей: "сырх зонӕ"-йы тынг ахсджиаг у волонтерты ӕххуыс

Рафыссын
Дыууӕ азӕй фылдӕр ӕппӕт адӕймагад тох кӕны пандемийы ныхмӕ. Кæй зӕгъын ӕй хъӕуы, Хуссар Ирыстоны рӕзты дæр нӕ ахызт ацы низ. Коронавирус цардмӕ ӕрбахаста ног коррективтӕ. Рынчынты нымӕц фылдӕрӕй фылдӕр куы кодта, уӕд Цхинвалы фӕзынд лӕппуты къорд, кӕцытæ бархийӕ быцыдысты "сырх зонӕ"-мӕ, цӕмӕй медицинон кусджытӕн сӕ къух фӕрогдӕр кӕной. Петроченко Андрей фыццаг бонӕй фӕстӕмӕ кусы волонтерӕй, ӕмӕ куыд радзырдта, уымӕ гӕсгӕ сӕ куыст нӕма дӕр у актуалон.
"Туаггуыры баллонтӕ бахӕссӕм рынчынтӕм, иу палатайӕ иннӕмӕ бакӕнæн, хъӕуы сӕ компьютерон тамографимӕ кӕнын", - загъта Андрей.
Волонтеры ныхӕстӕм гӕсгӕ, рынчынтимӕ архайгӕйӕ дзы хъӕуы физикон куыст, кӕцыйыл нӕ тых кодтой медицинон кусджытӕ. Афтӕ ма банысан кодта, рынчынтӕн ма кӕй кӕнынц моралон ӕххуыс дӕр.
"Тас тынг ӕндӕвта рынчынты уавӕрыл, волонтертӕ-иу сӕ сабыр кодтой, семӕ хъазӕн ныхӕстӕ дӕр кодтой, уый фӕрцы сын ныфс ӕвӕрдтам", - бафиппайдта Андрей.
Уый бузныджы ныхӕстӕ загъта, "Сырх зонӕ"-йы фыццаг бонӕй нырмӕ цы лӕппутӕ кусынц волонтертӕй, уыдонӕн.
Ног хабӕртты лентӕ
0