Хуссар Иры ацӕудзӕн фӕсивӕдон форум ХИПУ 90 азы юбилеймӕ

© Sputnik / Наталья АйриянХИПУ
ХИПУ - Sputnik Хуссар Ирыстон, 1920, 31.01.2022
Бафыссын
Yandex newsTelegram
ЦХИНВАЛ, 31 янв - Sputnik, Гӕбӕраты Элина. Хуссар Ирыстоны паддзахадон университеты ацӕудзӕн фыццаг фӕсивӕдон форум, хъусын кӕны ХИПУ пресс-службӕ.
Ахуырадон уагдоны банысан кодтой, мадзал цӕттӕ цӕуы Цӕгат Кавказы федералон университеты (ЦКФУ) ӕмархайдӕй.
"Форум ӕрӕмбырд кӕндзӕн 150 хайадисӕджы фӕссоветон тыгъдады республикӕтӕй. Мадзал уагъд цӕуы университеты 90 азы юбилейы бӕрӕгбоны фӕлгӕтты, афтӕ ма ЦКФУ 10 азы юбилейы цытӕн", - банысан кодтой пресс-службӕйы.
Sputnik ныхасӕмбалы куыд банысан кодтой, афтӕмӕй мадзал ацӕудзӕн фӕззӕджы ХИПУ базӕйыл.
Университет азы дӕргъы нывӕнды ауадзын: юбилейон ӕвзист згъӕрӕхцайы презентаци, кӕцы ацы бонмӕ рауагъта РХИ национ банк, чингуыты палатӕйы баконд, афтӕ ма лекциты цикл Ирыстон ӕмӕ Уӕрӕсейы фыдыбӕстӕйон историйы фӕдыл ХИПУ ӕмӕ уӕрӕсейаг зындгонд ахуыргондты хайадистӕй.
Афтӕ ма февралы кӕрӕтты ацуӕдзӕн тымбыл фынг "Россия и Южная Осетия в контексте безопасности Кавказа", цы ран хайад райсдзысты эксперттӕ-политилогтӕ Уӕрӕсе, Израиль, Хуссар Ирыстон ӕмӕ ӕндӕр бӕстӕтӕй.
Юбилейӕн нывонд уыдзӕн авто-мотозгъорд дӕр Стыр Фыдыбӕстӕйон хӕсты раритетон транспорты хайадистӕй.
Ног хабӕртты лентӕ
0