Хуссар Иры сбӕрӕг кодтой 132 ног рынчыны коронавирусӕй

© Sputnik / Ахизын фотобанкмӕКоронавирус
Коронавирус - Sputnik Хуссар Ирыстон, 1920, 03.02.2022
Бафыссын
Yandex newsTelegram
ЦХИНВАЛ, 3 фев - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой 132 ног рынчыны коронавирусӕй, фехъусын кодта цыппӕрӕмы Sputnik Югосетпотребнадзоры сӕргълӕууӕг Коцты Марина.
"Нӕ лабораторийы сарӕзтой 345 тесты. Уыдонӕй низы уӕвынад равдыстой 132. Медицинон хыгъдӕй систой 40 пациенты – уыдон сӕнӕниз сты коронавирусӕй. Медикты хъусдарды бын стационар ӕмӕ амбулаторийы сты 1858 рынчыны", - загъта цӕстдардон уагдоны.
COVID-19-ӕй сӕнӕнизуӕвӕг пациентты иумӕйаг нымӕц Хуссар Ирыстоны абоны онг у 10 835. Югосетпотребнадзоры ПЦР-лабораторийы ӕдӕппӕт пандемийы рæстæджы сарӕзтой 62 760 иртӕсты, уыдон бӕрӕггӕнӕнтӕм гӕсгӕ, вирусӕй фӕрынчын сты 12 693 адӕймаджы.
Ног хабӕртты лентӕ
0