Уарзондзинады тыххӕй: цхинвайлаг зарӕггӕнӕг рауадздзӕн ног композицитӕ уырыссаг ӕвзагыл

© Sputnik / Наталья АйриянЛалыты Альберт
Лалыты Альберт  - Sputnik Хуссар Ирыстон, 1920, 04.02.2022
Бафыссын
Yandex newsTelegram
ЦХИНВАЛ, 4 фев — Sputnik, Хъуылымбегты Зӕлинӕ. Хуссарирыстойнаг зарӕггӕнӕг Лалыты Альберт спрезентаци кӕндзӕн йӕ ног композицитӕ уарзондзинады тыххӕй, фехъусын кодта ӕххӕстгӕнӕг йӕхӕдӕг.

"Ног тректӕ - "Вселенная", "Самая-самая" ӕмӕ"Время" ныридӕгӕн сты фыст ӕмӕ мӕйы кӕрӕтты рацӕудзысты популярон музыкалон фӕзуӕттыл. Зарджытӕ сты уарзондзинады тыххӕй, уыдон фӕрцы ӕз радӕттон мӕ уды уавӕр", - загъта Лалыты Альберт.

Музыканты репертуары ис дыууын лирикон ӕмӕ патриотикон зарӕгӕй фылдӕр, композициты автор дӕр у йӕхӕдӕг.
"Нывӕзты ма мын ис ноджы цалдӕр зарӕджы, уыдон дӕр рауадздзӕн ӕввахс рӕстӕджы. Уымӕй дарддӕр ма мӕ зӕрды ис сӕххӕст кӕнын патриотикон зарӕг ирон ӕвзагыл ӕмӕ ауадзын концерт", - бафтыдта уый.
Ивгъуыд азы кӕрон ӕвзонг зарӕггӕнӕг рауагъта йӕ фыццаг солон альбом "Дикая лаванда", бацыд ӕм 12 трекы.
Ног хабӕртты лентӕ
0