Цхинвалы скъола-интернаты ахуырдзауты арвыстой улӕфынмӕ Згъубирмӕ

© Sputnik / Natalia Airiyan Згъуыбир
Згъуыбир - Sputnik Хуссар Ирыстон, 1920, 10.02.2022
Бафыссын
Yandex newsTelegram
ЦХИНВАЛ, 10 фев – Sputnik, Плиты Фатимӕ. Хуссар Ирыстоны столицӕйы скъола-интернаты ахуырдзауты президенты хӕрдзтӕй арвыстой улӕфынмӕ Згъубиры донхосгӕнӕндонмӕ, фехъусын кодта Sputnik ахуыргӕнӕн уагдоны организатор Харебаты Марина.
Сывӕллӕттӕ баулӕфдзысты фондз боны.

"Ныр дыккаг аз фӕд-фӕдыл президент Бибылты Анатолий скъоладзауты арвиты Згъуыбиры улӕфӕндонмӕ. 15 сывӕллоны дыууӕ хистӕримӕ ацы хатт дӕр фидар кӕнынц се 'нӕниздзинад. Сывӕллӕттӕ уыдысты рынчын грипп ӕмӕ коронавирусӕй ӕмӕ сын тынг ахъаз у ацы улӕфт", - загъта уый.

Йӕ ныхӕстӕм гӕсгӕ, сывӕллӕттӕ тынг хъӕлдзӕгӕй ӕрвитынц сӕ рӕстӕг.
"Уый бӕрц мит кӕм федтой ӕмӕ сӕ цинӕн кӕрон нӕй", - бафтыдта Харебаты Марина.
Згъубиры улӕфӕндоны ис хорз уавӕртӕ улӕфынӕн, уымӕй уӕлдай ма дзы ис ӕнӕниздзинадӕн пайдахӕссӕг цалдӕр донгуырӕны.
Ног хабӕртты лентӕ
0