Цхинвайлаг ӕрмхӕцӕг ӕхсӕзӕм хатт ссис Уӕрӕсейы чемпион

© Sputnik / Наталья АйриянДыгъуызты Малхаз
Дыгъуызты Малхаз - Sputnik Хуссар Ирыстон, 1920, 14.02.2022
Бафыссын
Yandex newsTelegram
ЦХИНВАЛ, 14 фев— Sputnik, Плиты Фатимæ. Цхинвайлаг спортсмен Дыгъуызты Малхаз ссис Уӕрӕсейы чемпион армрестлингæй сахъатты ʻхсæн. Цхинвайлаг спортсмен ссис уӕлахиздзау дыууӕ къухӕй дӕр.
Ӕрмхæцæг йæ хæзнадон баххæст кодта дыууæ сызгъӕрин майданæй.
"Тох кодтон 85+ кг уӕзы. Ацы аз дӕр фӕстӕмӕ тох кодтон ивгъуыд азы ныхмӕлӕуджытимӕ. Фӕзынд ма дзы иу ног архайӕг. Фӕлӕ уымӕ ӕнӕкӕсгӕйӕ, дыууӕ къухӕй дӕр рамбылдтон ерыстӕ", - загъта Sputnik спортсмен йӕхӕдӕг.
Ацы уӕлахизы фӕрцы нӕ спортсменӕн фадат ис дунейы ерысты тох кӕнын.
"Бар ис тох кӕнын. Фӕлӕ нырма скъуыддзаг нӕу хайадисты фарст", - бафтыдта уый.
Ерыстӕ цыдысты горӕт Орёлы.
Дыгъуызты Малхаз армспорты ис фондз азы дӕргъы, йемӕ кусы тренер Лелаты Тотрадз. Ацы ӕмгъуыд уый рамблыдта Уӕрӕсейӕ чемпионаттӕ, дунейы ӕмӕ Европӕйы ерыстӕ.
Ног хабӕртты лентӕ
0