Гуыцмӕзты Мурат: абон мысӕм нӕ хӕстон ӕмбӕлтты

Гуыцмӕзты Мурат: ацы бон мысӕм нӕ хӕстон ӕмбӕлтты
Бафыссын
Yandex newsTelegram
Афганистаны хӕсты ветеранты Цӕдисы сӕргълӕууӕг Гуыцмӕзты Мурат радио SputnikХуссар Ирыстоны радзырдта, 15 февраль куыд нысан кӕнынц ӕрвылаз дӕр, уый тӕххӕй.
"Ацы бон ӕрымысӕм нӕ хӕстон ӕфсымӕрты, кӕцытӕ нал ӕрыздӕхтысты Афганистанӕй. Афтӕ ма йӕ банысан кӕнӕм куыд бӕрӕгбон дӕр - ахӕм стыр хӕст кӕй фӕцис, уый тыххӕй", - загъта Мурат.
Гуыцмӕзты Мурат куыд банысан кодта, уымӕ гӕсгӕ дӕс азы мидӕг хӕсты хайад райстой 600 минӕй фылдӕр советон ӕфсӕддоны ӕмӕ дзы фӕстӕмӕ нал ӕрыздӕхт 15 мины бӕрц, уыдон ‘хсӕн сты не ‘мзӕххонтӕ дӕр.
"Уыдон сты авд лӕппуйы. Авдӕй сӕ уымӕн нымайӕм ӕмӕ Хуссар Ирыстоны ӕфсӕддон комиссариатӕй кӕмӕ ӕрсидтысты, уыдонӕй фӕмард сты хӕсты авд. Фӕлӕ ма куы райсӕм, ӕндӕр горӕттӕй кӕй акодтой, стӕй Уӕрӕсейы чи ахуыр кодта ӕмӕ уырдыгӕй чи ацыд, уӕд сӕ нымӕц фылдӕр у", - бафиппайдта Мурат.
Гуыцмӕзты Мурат ма уӕлдай банысан кодта, Афганистаны хӕстӕй цы ӕфсӕдтонтӕ ӕрцыдысты, уыдон 1990-ӕм ӕзты нӕхи Фыдыбӕстон хӕсты дӕр сӕ фӕлтӕрддзинад кӕй равдыстой.
Ног хабӕртты лентӕ
0