"Нӕ лӕппутӕ-иу кӕддӕриддӕр ӕвзыгъддӕр разындысты": Афганистаны ветеранты мысинӕгтӕ

Бафыссын
Yandex newsTelegram
Хуссар Ирыстоны Афганистаны хӕсты ветеранты Цӕдис абон, 15 февралы, нысан кӕны Советон ӕфсады раконд Афганисты зӕххӕй. Фӕстаг колоннӕ советон ӕфсӕддонтимӕ рахызт хӕствӕллад республикӕйы территорийӕ 1989 азы. Афганистаны ветеранты Цӕдисы сӕргълӕууӕг Гуыцмӕзты Мурат радзырдта радиойы эфиры ирон лӕппуты хъайтардзинӕдты тыххӕй.
"Лӕппутӕ ууыл нӕ хъуыды кодтой, цӕмӕй хъайтардзинд равдисой ӕмӕ сӕ газеты ныммыхуыр кӕной. Уыдис дзы ахӕм цаутӕ ӕмӕ дзы фердӕхын хъуыд, кӕмдӕр фӕтындзын, ӕрхъуыдыдзинад равдисын, зӕрдӕйы фидардзинад, ӕмӕ иу уыцы рӕстӕджы нӕ лӕппутӕ ӕвзыгъддӕр разындысты", - радзырдта Мурат.
Афганистаны хӕсты ветеран Наниты Отар куыд банысан кодта, уымӕ гӕсгӕ йӕ дӕлбар уыд 28 адӕймаджы, ӕмӕ уыдонӕн дзуапп дӕттын уыд уӕлдай зын.
"Офицерӕн зындӕр у, ӕрмӕст ӕфсӕддонты раз нӕ, фӕлӕ ма ныййарджыты раз дӕр дзуапп кӕныс дӕ дӕлбар адӕмы тыххӕй. Зындзинад ма хастой климатон уавӕртӕ, хаттӕй-хатт иу дзы уыд 50 градусы тӕвд", - бафиппайдта Отар.
Уазджытӕ бахахх кодтой, ацы датӕ Афганистаны ветерантӕн кӕй у уӕлдай ахсджиагдӕр ӕмӕ йӕм кӕй фенхъӕлмӕ кӕсынц ӕнӕхъӕн аз.
Ног хабӕртты лентӕ
0