Sputnik Хуссар Ирыстон бакодта радиофидиуӕн ирон ӕвзагыл

© Sputnik / Natalia AiriyanРадио-микрофон
Радио-микрофон - Sputnik Хуссар Ирыстон, 1920, 15.02.2022
Рафыссын
ЦХИНВАЛ, 15 фев — Sputnik. Информацион агентад ӕмӕ радио Sputnik Хуссар Ирыстон дыццӕджы, 15 февралы бакодта радиофидиуӕн ирон ӕвзагыл.
"Ирон ӕвзагыл радиофидиуӕн ссис информацион агентады райрӕзты хай. Мах архайӕм аххӕссын стырдӕр аудиторийыл республикӕйы ӕмӕ уыцы куысты ахсджиагдӕр здӕхт у ирон ӕвзагыл контент. Уымӕ гӕсгӕ эфирмӕ ирон ӕвзагыл рахызт у ахсджиаг цау канд Sputnik-ӕн нӕ, фӕлӕ ма радиомӕ хъусджытӕн дӕр", - загъта информацион агентады сӕргълӕууӕг Виталий Денисов.
Радиойы продюсер Зассеты Майя куыд радзырдта, уымӕ гӕсгӕ фидиуӕны хызы ис ног хабӕрттӕ, аналитикон алӕвӕрдтӕ, афтӕ ма студимӕ хондзысты бирӕ цымыдисон уазджыты.
"Нӕ сӕргълӕууӕг нын куы банхъардта ирон ӕвзагыл радиофидиуӕн, уӕд ӕй тынг ӕхсызгонӕй райстам, уымӕн ӕмӕ уымӕй мах аргъ кӕнӕм не взагӕн, нӕ адӕмӕн", - бахахх кодта Зассеты Майя.
 Sputnik Хуссар Ирыстоны ног сайт - Sputnik Хуссар Ирыстон, 1920, 26.10.2021
Sputnik Хуссар Ирыстон раног кодта сайты дизайн
Республикӕйы цӕрджытӕн, адарддӕр кодта уый, ис фадат фидиуӕнмӕ байхъусын 106,3 FM уылӕныл сихорафон.
Продюсер ма фехъусын кодта, райдианы уал алӕвӕрдтӕ кӕй уыдзысты ӕрдӕг сахаты бӕрц, фӕлӕ фӕстӕдӕр цадӕггай фылдӕрӕй-фылдӕр кӕндзысты.
Sputnik Хуссар Ирыстон райдыдта йӕ куыст бӕстӕйы 2015 азы июны. Агентадӕн ис информацион портал ирон ӕмӕ уырыссаг ӕвзӕгтыл, радиоресурс ӕмӕ бӕрзонд технологион мультимедион пресс-центр. Sputnik Хуссар Ирыстон ахсы фыццаг бынат бӕстӕйы интернет-ДИФты хсӕн.
Ног хабӕртты лентӕ
0