Тыбылты Инга: Турчы ирæттæ стыр æхсызгонæй фехъусдзысты радио "Sputnik"-ы ирон ныхас

Тыбылты Инга: Турчы ирæттæ стыр æхсызгонимæ фехъусдзысты радио «Sputnik»-ы ирон ныхас
Рафыссын
Æртхъирæны мæйы 15-æм боны радио "Sputnik Хуссар Ирыстон"-ы райдыдта ирон æвзагыл фидиуæн. Ирон ныхас, Ирыстоны политикон цаутæ, культурон процестæ, алыгъуызон цымыдисон æрмæгмæ хъусдзысты æрмæст Ирыстоны къуымты нæ, фæлæ Уæрæсейы, стæй ма фæсарæнты дæр.
"Фыццаджыдæр мæ фæнды бузныг зæгъын, ирон æвзаг кæй хъуысдзæн радио Sputnik-ы эфиры, уый тыххæй. Уый стыр ахъаз фæуыдзæн ирон æвзаджы популяризацийæн", - банысан кодта филологон зонæдты кандидат, доцент Тыбылты Инга.
Ахуыргонд ма банысан кодта, зæгъгæ, радио Sputnik-ы ирон ныхас кæй айхъуысдзæнис, ууыл стыр æхсызгонимæ сæмбæлдзысты Турчы цæрæг ирæттæ дæр.
"Уыдон зæрдиагæй фенхъæлмæ кæсынц, кæд æрцæудзысты Ирыстонмæ æмæ сын ныр фадат фæуыдзæн, цæмæй хъусой радиойы уылæнтыл ирон ныхас", - бафиппайдта уый.
Филологон зонæдты кандидаты хъуыдымæ гæсгæ, фæсивæдæн дæр стыр ахъаз фæуыдзæн ацы хъуыддаг - уыдон хæдтулгæтыл цæугæйæ арæх баиу кæнынц радио æмæ хъусдзысты раст ирон ныхасмæ.
"Бирæ уын бантысæд ирон æвзаг, ирон культурæ парахат кæныны хъуыддаджы. Фылдæр цымыдисон æрмæг уæм цы уа æмæ цымыдисон адæмы цы хонат, ахæм зонд æмæ хъару уын Хуыцау балæвар кæнæд!" - арфæ ракодта Тыбылты Инга.
Бæстонæй алæвæрдмæ хъусут радио Sputnik-ы эфиры.
Ног хабӕртты лентӕ
0