Психолог: стресстӕ куы ӕрӕмбырд вӕййынц, уӕд фӕзыны паникӕ

Къусраты Инга: стресстӕ куы ӕрӕмбырд вӕййынц, уӕд фӕзыны паникӕ
Бафыссын
Yandex newsTelegram
Хуссар Ирыстоны ӕнӕниздзинад хъахъхъӕнынады министрады хъӕппӕрисӕй Цхинвалы бакондӕуыд психологон ӕххуысы службӕ. Психологон ӕххуыс кӕндзысты специалисттӕ куыд хистӕр кары адӕмӕн, афтӕ сывӕллӕттӕн дӕр. Психолог Къусраты Инга куы радзырдта, уымӕ гӕсгӕ адӕймаг зын уавӕры куы бахауы, уӕд ӕй ӕнӕмӕнг фӕхъӕуы психологон ӕххуыс.
"Зӕгъӕм, адӕймаг ӕнӕрӕстӕджы фесӕфта йӕ хионы, ӕмӕ рӕстӕг куы цӕуы, афтӕ йӕ рыст тынгдӕр кӕны, уӕд уый цас тагъддӕр райса психологон ӕххуыс, афтӕ йӕ зындзинад фенцондӕр уыдзӕн", - загъта Инга.
Психологы ныхӕстӕм гӕсгӕ, адӕймагӕн йӕ бон у ӕмӕ хӕдзары куыстытӕй дӕр райдайа ӕвзарын стресс.
"Ахуыргӕнджытӕн дӕр арӕх вӕййы профессионалон стресс, ӕмӕ йӕ сӕхӕдӕг дӕр нӕ бамбарынц, сывӕллӕттӕн куыд райсын кӕнынц психологон травмӕ", - банысан кодта уый.
Къусраты Инга ма куыд бафиппайдта, афтӕмӕй ӕрмӕст хистӕр кары адӕмӕн нӕ, фӕлӕ сывӕллӕттӕн дӕр арӕх фӕзыны паникӕ.
Ног хабӕртты лентӕ
0