Эксперттæ Хуссар Ирыстоны политикон æмæ экономикон райрæзты тыххæй

Бафыссын
Yandex newsTelegram
Паддзахад кæй у æххæст, уыцы фактортæй иу у экономикæйы райрæзт. Хуссар Ирыстоны политикон æмæ экономикон фадгуытæ куыд баст сты æмæ цавæр фарстытæ сты аскъуыддзаг кæнинаг, уый фæдыл ныхас кæнынц зонадон кусæг, экономист Дзабиты Вячеслав æмæ политолог Гобозты Вячеслав.
Политолог Гобозты Вячеславы хъуыдымæ гæсгæ, Уæрæсейы æххуыс тынг ахсджиаг у Хуссар Ирыстоны паддзахадæн. Афтæ ма уый бахахх кодта, зæгъгæ, адæм объективон æмæ критикон æгъдауæй кæй аргъ кæнынц паддзахадæн, уый дзурæг у ууыл, паддзахаддзинад нæм кæй ис.
Гобозты Вячеслав куыд банысан кодта, афтæмæй цæмæй паддзахад цæрынхъом уа, уый тыххæй æнæмæнгхъæуæг у экономикæйы райрæзт.
Уый ма бафиппайдта, экономикæ сæрмагондæй баст кæй у политикæимæ - паддзахадæн куыннæ уа экономикон бындур, уæд партитæ æмæ æндæр граждайнаг æхсæнады структурæтæн дæр уæвæн нæй.
Экономист Дзабиты Вячеславы ныхæстæм гæсгæ, хъæууонхæдзарадон экономикæ вæййы куыд этап, йæ фæстæ цæуынц стыр технологитæ, туризм, æмæ æндæр фадгуытæ.
"Хъæууон хæдзарады специалисттимæ ныхас кодтон, æмæ уыдон дзурынц, зæгъгæ, ныртæккæ нæм цы адæмы нымæц цæры, уыдон фæдарынæн хъæуы 13 мин километры онг зæхх, æмæ нæм уый бæрц зæхх ис", - банысан кодта уый.
Дзабиты Вячеслав бахахх кодта, Хуссар Ирыстон кæй хъуамæ иса цæвиттон хæххон бæстæтæй, уымæн æмæ ахæм бæстæтæн ис сæхи спецификæ.
Ног хабӕртты лентӕ
0