Дзабиты Вячеслав: нӕй зӕгъӕн ӕмӕ санкцитӕ критикон уавӕрмӕ ӕркӕндзысты Уӕрӕсейы экономикӕ

Дзабиты Вячеслав: нӕй зӕгъӕн ӕмӕ санкцитӕ Уӕрӕсейы экономикӕ критикон уавӕрмӕ ӕркӕной
Бафыссын
Yandex newsTelegram
Фӕсарайнаг бӕстӕты къухдариуӕггӕнджытӕн сӕ фылдӕр разы не сты Уӕрӕсейы президент Влалимир Путины бардзырдимӕ Донецк ӕмӕ Луганскы Адӕмон республикӕты хӕдбардзинад банымайыны тыххӕй. Уыдон снысан кодтой карздӕр сакнцитӕ. Экономист Дзабиты Вячелсав куыд радзырдта, уымӕ гӕсгӕ санкцитӕ бандавдзысты Уӕрӕсейы экономикӕйыл.
"Уӕрӕсейы экономикӕ бирӕ фӕфылдӕр ис ивгъуыд ӕнусы 90-ӕм азтӕм абаргӕйӕ, фӕлӕ йын уӕддӕр бирӕ ис экономикон басдзинӕдтӕ фӕсарӕнтимӕ, ӕмӕ уыдон бюджетыл уӕз кӕнынц", - загъта Вячелсав.
Экономисты ныхӕстӕм гӕсгӕ, кӕд валютӕ ныридӕгӕн 10% схызт, уӕддӕр нӕй зӕгъӕн ӕмӕ Уӕрӕсейы экономикӕ ныппырх уыдзӕн.
"Нӕхи истори, 2008 азы хӕст куы ӕрымысӕм, уӕддӕр афтӕ дзырдтой, зӕгъгӕ, санкцитӕ ныппырх кӕндзысты экономикӕ. Фӕлӕ кӕд кризис уыд ӕмӕ доллары аргъ дӕр схыст, уӕддӕр Уӕрӕсейы экономикӕ нӕ ныппырх ис", - банысан кодта уый.
Дзабиты Вячеслав куыд бахахх кодта, уымӕ гӕсгӕ ног санкцитӕ бандавдзысты Уӕрӕсейы экономикӕйыл, фӕлӕ критикон уавӕрмӕ не ‘рхаудзӕн.
Ног хабӕртты лентӕ
0