Хуссар Иры Къуайсайы доны хаххыл сӕвӕрдзысты сыгъдӕггӕнӕн ифтонгад

© Sputnik / Natalia Airiyan Къуайса
Къуайса - Sputnik Хуссар Ирыстон, 1920, 24.02.2022
Бафыссын
Yandex newsTelegram
ЦХИНВАЛ, 24 фев - Sputnik, Плиты Фатимӕ. Хуссар Ирыстоны Къуыдаргомы донифтонгады хахх "Везур-Къуайса"-йыл ӕвӕрд ӕрцӕудзӕн донсыгъдӕггӕнӕн ифтонгад. Ацы нысанӕн хицӕн ӕрцӕудзӕн 20 милуан сомы, уый тыххӕй фехъусын кодта паддзахады разамонӕг Бибылты Анатолий цӕрджытимӕ фембылды рӕстӕджы.
Горӕты мэр Бӕззаты Геннадийы ныхӕстӕм гӕсгӕ, доны хахх уалдзӕгӕй фӕстӕмӕ цӕуы змӕстӕй.
"Фӕстӕдӕр мит тайын куы райдайа, уӕд дон сызмӕнты, уый фӕстӕ дӕр алы къӕвда дӕр ӕрхӕссы донӕзмӕст. Суанг фӕззӕджы онг горӕт фылдӕр рӕстӕг исы змӕст дон", - загъта горӕты мэр Бӕззаты Геннадий.
"Везур – Къуайса" реконструкци ӕрцыд ивгъуыд аз, фӕлӕ доны хаххыл не 'рцыд арӕзт сыгъдӕггӕнӕнтӕ.
"Ӕнӕмӕнг хъӕуы сӕвӕрын сыгъдӕггӕнӕн ифтонгад. Фӕлӕ йӕ бынат нырма скъуыддзаг нӕу. Советон дуджы ӕвӕрд ифтонгад хорз уыд йӕ рӕстӕгӕн, фӕлӕ уыдон ӕрмӕст нымад сты горӕт Къуайсайыл, фӕлӕ ма ацы доны хахх ифтонг кӕны ӕввахс хъӕуты дӕр ӕмӕ хуыздӕр уаид, иумӕйаг дзы куы сӕвӕриккам", - бафтыдта уый.
Ног хабӕртты лентӕ
0