Рухс ӕмӕ фӕндӕгтӕ: Знауыры районы ЦКХ хистӕр радзырдта 2022 азмӕ куыстыты нывӕзты тыххӕй

© Sputnik / Руслан ТадтаевЗнауыры районы ЦКХ хистӕр радзырдта 2022 азмӕ куыстыты нывӕзты тыххӕй
Знауыры районы ЦКХ хистӕр радзырдта 2022 азмӕ куыстыты нывӕзты тыххӕй - Sputnik Хуссар Ирыстон, 1920, 25.02.2022
Рафыссын
ЦХИНВАЛ, 25 фев – Sputnik, Гӕбӕраты Элина. Знауыры районы коммуналон службӕтӕ ӕввахс рӕстӕджы бавналдзысты нывӕзтон куыстытӕм. Уый тыххӕй Sputnik фехъусын кодта Знауыры районы администрацийы архитектурӕ, арӕзтад ӕмӕ ЦКХ дӕлхайады хистӕр Сиукъаты Гайоз.
Уый банысан кодта, техникӕ иууылдӕр кӕй у цӕттӕ эксплуатацимӕ, ЦКХ кусджытӕ та куысты райдайӕнмӕ.
"Ацы аз дӕр нывӕндӕм фӕндӕгты хӕрзарӕзтад, афтӕ ма дон рауадзӕм районы хицӕн хъӕутӕм ӕмӕ сӕвӕрӕм рухсытӕ. Уымӕй дарддӕр мах нывӕндӕм сӕвӕрын ӕмбонд районы Сывӕллӕтты сфӕлдыстады хӕдзары", - загъта Сиуъкаты Гайоз.
Азы райдайӕны районы администраци фехъусын кодта, кӕй балхӕдтой 150 нырыккон диодон плафоны. Хъӕутӕй дарддӕр коммуналон кусджытӕ нывӕндынц сӕвӕрын рухсытӕ районон центры уынгтыл дӕр.
Рухсытӕ сӕвӕрыны куыст фӕуыдзысты фыццаг кварталы дӕргъы. Афтӕ ма районы къухдариуӕгад нывӕнды сӕвӕрын рухсытӕ автомобилон трассӕйыл дӕр, кӕцы цӕуы Знауыры поселокмӕ.
Ног хабӕртты лентӕ
0