Гаглойты Роберт: Хуссар Иры Зонад-Иртасӕн институтӕн ис хъӕздыг истори

Гаглойты Роберт: зонад-иртасӕн институӕн хъӕздыг истори ис
Бафыссын
Yandex newsTelegram
Ацы аз Хуссар Ирыстоны Зонад-Иртасӕн институт банысан кодта йæ 100-азон юбилей. Йӕ сӕргълӕууӕг Гаглойты Роберт куы радзырдта, уымӕ гӕсгӕ 1922 азы Хуссар Ирыстоны интеллигенцийы минӕвӕрттӕ зонадон къабаз райрӕзын кӕнынӕн сарӕзтой зонад-литературон ӕхсӕнад.
"Цалдӕр адӕймагӕй уыдысты, се ‘хсӕн Тыбылты Алыксандр ӕмӕ Гаглойты Рутен дӕр. Ӕмткӕй уыдысты 5-6 адӕймаджы ӕмӕ бакодтой ацы литературон ӕхсӕнад", - радзырдта Гаглойты Роберт.
Роберт Хазбийы фырты ныхӕстӕм гӕсгӕ, ацы зонад-литературон ӕхсӕнад йӕ куыст куы райдыдта, уӕд дзы разынд ӕндӕр фадгуытӕ дæр, кӕцытӕн хъуыд дзуапп дӕттын, ӕмӕ фӕстӕдӕр райрӕзт зонад-иртасӕн институтмӕ.
"Йӕ историимӕ баст сты зынгӕ ахуыргӕндтӕ, зӕгъӕм, Уанеты Захар, уый ном хӕссы нӕ зонадон институт абон дæр. Афтӕ ма Гӕбӕраты Сослан, йӕ куыстытӕ йын Китайы дӕр ратӕлмац кодтой, Джусойты Нафи – нӕ зынгӕты зынгӕдӕр ахуыргонд ӕмӕ афтӕ дарддӕр", - ранымадта уый.
Гаглойты Роберт ма куыд бахахх кодта, уымӕ гӕсгӕ, Хуссар Ирыстоны зонадон истори райдыдта XIX ӕнусы кӕронӕй.
Ног хабӕртты лентӕ
0