Хуссар Иры уӕлыстол теннисы федераци райста спортивон ифтонгад сӕ уӕрӕсейаг коллегатӕй

© Sputnik / Natalia Airiyan Уӕлыстол теннис
Уӕлыстол теннис - Sputnik Хуссар Ирыстон, 1920, 01.03.2022
Бафыссын
Yandex newsTelegram
ЦХИНВАЛ, 1 мар - Sputnik, Плиты Фатимӕ. Хуссар Ирыстоны уӕлыстол теннисы федераци райста сӕ уӕрӕсейаг коллегатӕй ахадгӕ ӕххуыс спортивон ифтонгадӕй, фехъусын кодта федерацийы разамонӕг Джиоты Мириан.
Спортивон ифтонгад ӕрхӕццӕ Цхинвалмӕ, ӕххуысы сконды сты ӕхсӕз комплекты.

"Уӕрӕсейы уӕлыстол теннисы федераци нӕ бакодта проект "Будущее России" сконды ӕмӕ ӕрырвыстой ерыстӕ уадзынӕн ӕхсӕз комплекты - хъазӕн ӕмӕ тӕрхонгӕнджыты фынгтӕ, хызӕгтӕ ӕмӕ ӕндӕр ӕрмӕг. Сӕрмагондӕй ифтонгады райстмӕ ӕрӕмных кодтам ерыстӕ "Юные таланты Цхинвала", - радзырдта Джиоты Мириан.

Уый ма бафтыдта, ӕххуыс стыр ахъаз фӕуыдзӕн уӕлыстол теннисы размӕцыдӕн.
"Стыр лӕггад у Ирыстоны спортӕн, ӕмӕ стыр стимул теннисы размӕцыдӕн", - бафтыдта уый.
Ерыстӕ ауагътой ивгъуыд улӕфт бонты.
Ног хабӕртты лентӕ
0