Хуссар Иры президентон ӕвзӕрстытӕ ацӕудзысты 76 фадыгыл

© Sputnik / Михаил Мокрушин / Ахизын фотобанкмӕПрезидентон ӕвзӕрстытӕ
Президентон ӕвзӕрстытӕ - Sputnik Хуссар Ирыстон, 1920, 02.03.2022
Бафыссын
Yandex newsTelegram
ЦХИНВАЛ, 2 мар — Sputnik, Козаты Диана. Централон ӕвзарӕн къамис сарӕзта ӕвзарӕн фадгуытӕ республикӕйы президентмӕ ӕвзӕрстыты фӕдыл, фехъусын кодта ӕртыццӕджы Централон ӕвзарӕн къамисы (ЦӔК) уӕнг Цоциты Игорь.
Фадгуыты номхыгъд ныммыхуыр кодтой ЦӔК сайтыл. Уынаффӕмӕ гӕсгӕ, ӕдӕппӕт байгом кӕндзысты 76 ӕвзарӕн къамисы, уыдонӕй 72 кусдзысты Хуссар Ирыстоны территорийыл, цыппар та фӕсарӕнты. Уыдон уыдзысты Дзӕуджыхъӕуы (дыууӕ фадыджы), афтӕ ма хуссарирыстойнаг дипломатон минӕварадты Мӕскуы ӕмӕ Сухумы.
Хуссар Ирыстоны столицӕйы ӕмбӕстӕгтӕн схъӕлӕс кӕныны фадат уыдзӕн 19 ӕвзарӕн фадыджы. Цхинвалы районы байгом уыдзысты 15 фадыджы, Ленингоры районы – 11, Дзауы районы – 12, фараст фадыджы бакӕндзысты Знауыры районы, ноджы ӕхсӕз та горӕт Къуайсайы.
Афтӕ ма ЦӔК сарӕзта ӕвзарӕн къамистӕ республикӕйӕ ӕддейӕ. Сӕ уӕнгты кандидатурӕтӕ банхъардтой ӕвзарджыты инициативон къордтӕн, политикон партитӕн, кӕцытӕ раразмӕ кодтой сӕ кандидатты, афтӕ ма хуссарирыстойнаг дипломатон мисситы минӕвӕрттӕн.
Хуссар Ирыстоны президенты ӕвзӕрстытӕ ацӕудзысты 10 апрелы.
Ног хабӕртты лентӕ
0