Ленингоры районы æрæвнæлдтой быроны полигонтæ аразынмæ

© Sputnik / Наталья АйриянМусорный полигон
Мусорный полигон  - Sputnik Хуссар Ирыстон, 1920, 02.03.2022
Бафыссын
Yandex newsTelegram
ЦХИНВАЛ, 2 мар — Sputnik, Гæбæраты Элина. Ленингоры районы Раздæхæн æмæ Цъинагары хъæутæм æввахс æрæвнæлдтой быроны полигонты арæзтадмæ, фехъусын кодта Sputnik, районон администрацийы пресс-секретарь Кокойты Анжела.
Уый куыд банысан кодта, афтæмæй ацы арæзтад аиуварс кæндзæн бырондæтты проблемæ районы алыгъуызон хæйтты.
"Раздæхæны полигоны арæзтадæн рахицæн кодтой æртæ гектары зæхх, Цъинагары та - фондз. Арæзтадæн æнæмæнгхъæуæг æрмæг иууылдæр ныридæгæн æрцыд æлхæд æмæ æввахс рæстæджы полигонтæ æхгæд æрцæудзысты сæрмагонд хызæй", - радзырдта пресс-секретарь.
Кокойты Анжела бафтыдта, зæгъгæ, уымæй дарддæр ма къахт кæй æрцæудзæн æртæ метры арфæн дзыхъхъ бырон калынæн.
Полигоны бырон рæстæгæй-рæстæгмæ цæудзæн рекультивацигонд. Арæзтадæн хæрдзтæ иууылдæр дих æрцыдысты бынæттон администрацийы бюджетæй.
Ног хабӕртты лентӕ
0