Хуссар Иры УУМ радзырдтой Транскамыл уавӕры тыххӕй

© Sputnik / Natalia Airiyan Транскам
Транскам  - Sputnik Хуссар Ирыстон, 1920, 03.03.2022
Бафыссын
Yandex newsTelegram
ЦХИНВАЛ, 3 мар — Sputnik, Хъуылымбегты Зӕлинӕ. Хуссар Ирыстон ӕмӕ Уӕрӕсейы хсӕн фӕндагон змӕлд цӕуы штатон режимы, фӕлӕ Транскавказы автомагистралыл уары къӕвда, фехъусын кодтой Sputnik УУМ пресс-службӕйы.
"Транскавказы автомагистралыл уары къӕвда, фӕлӕ уый нӕ хъыгдары транспорты змӕлд", - банысан кодтой уагдоны.
Трассӕ хорз уавӕры ис, фӕлӕ уымӕ ӕнӕкӕсгӕйӕ УУМ сидынц шофыртӕм, цӕмӕй уой арӕхстджын, уымӕн ӕмӕ ӕвзӕр боныгъӕды тыххӕй гӕнӕн ис ӕрцӕуой цъыфы зӕйтӕ ӕмӕ дурты ӕркалд.
Цӕгат Ирыстоны УУМ бафӕдзӕхстой зӕйты ӕрцыды тасы тыххӕй 1 500 метрӕй бӕрзонддӕр хӕххон районты. Штормон фӕдзӕхст адарддӕр уыдзӕн 4 марты изӕры онг.
Транскавказы автомагистраль у иунӕг фӕндаг, кӕцы иу кӕны Хуссар Ирыстоны Уӕрӕсеимӕ. Зымӕгон рӕстӕг фӕндаг кӕддӕрты ӕрцӕуы ӕхгӕд стыр митуарды аххосӕй.
Ног хабӕртты лентӕ
0