Президенттæм æртæ кандидаты нæ радтой лингвистон фæлварæн

© Sputnik / Михаил ХасиевЦентралон æвзарæн къамис, Цхинвал
Централон æвзарæн къамис, Цхинвал - Sputnik Хуссар Ирыстон, 1920, 10.03.2022
Бафыссын
Yandex newsTelegram
ЦХИНВАЛ, 10 мар – Sputnik, Козаты Диана. Хуссар Ирыстоны парламенты вице-спикер Чилæхсаты Владимир, кæцы хайад хъуамæ райстаид президентон æвзæрстыты, нæ радта фæлварæн паддзахадон æвзæгтæй. Уый тыххæй хъусын кæны Централон æвзарæн къамисы уæнг Цоциты Игорь.
Чилæхсаты Владимиримæ ма экзамен дæттой Тасойты Дмитрий, Санахъоты Дауыт, Плиты Александр æмæ Хъазиты Зелим. Къамисы бæрæггæнæнтæм гæсгæ, уыдон иууылдæр фæлварæн радтой æнтыстджынæй.
Бон раздæр ма президенты бынатмæ ноджы дыууæ кандидаты - Пухаты Владимир æмæ Кацты Гено райстой "æнæбахыгъд".
Абон ма диктанттæ фысдзысты Къутæрты Аслан, Тадтаты Таймураз, Уалыты Альберт, Зæгъойты Рустам æмæ Мулдарты Гарри.
Централон æвзарæн къамис 15 матрмæ хъуамæ балхынцъ кæна документтæ сгарыны куыст æмæ аскъуыддзаг кандидатты срегистраци кæныныны фарст.
15 мартæй фæстæмæ райдайдзæн агитацион период.
Президентон æвзæрстытæ Хуссар Ирыстоны ацæудзысты 10 апрелы.
Ног хабӕртты лентӕ
0