Хуссар Иры столицӕйы иу хай майрӕмбоны баззайдзӕн ӕнӕ донӕй

Дон - Sputnik Хуссар Ирыстон, 1920, 11.03.2022
Бафыссын
Yandex newsTelegram
ЦХИНВАЛ, 11 мар - Sputnik, Плиты Фатимӕ. Хуссар Ирыстоны столицӕйы цӕгаттаг хай баззайдзӕн рӕстӕгмӕ ӕнӕ донӕй, магистралон хаххыл куыстыты аххосӕй, фехъусын кодта Sputnik "Водоканал"-ы генералон директоры хӕдивӕг Джиоты Инга.
Доны цухдзинад уыдзӕн райсом 9 сахатӕй ӕртӕ сахатмӕ столицӕйы цӕгаттаг микрорайонтӕ Мӕскуыйаг, БАМ, Хурзӕрин, Цӕгаттаг, кӕцытӕм ис ӕдзухон донифтонгад.
"Магистралон доныхахх "Едыс-Цхинвал"-мӕ иу цӕуы Къостайы хъӕу, уый тыххӕй куыстыты рӕстӕг дон ахицӕн кӕнын бахъӕудзӕн", - загъта Джиоты Инга.
Хуссар Ирыстоны столицӕ донӕй ифтонг цӕуы Уанат ӕмӕ Едысӕй.
Ног хабӕртты лентӕ
0