Хуссар Иры Цъунары хъӕуы иу кӕнынц столицӕйы донифтонгады магистралон хаххимӕ

© Sputnik / Константин Чалабов / Ахизын фотобанкмӕДон
Дон - Sputnik Хуссар Ирыстон, 1920, 11.03.2022
Бафыссын
Yandex newsTelegram
ЦХИНВАЛ, 11 мар - Sputnik, Плиты Фатимӕ. Хуссар Ирыстоны Цхинвалы районы Къостайы хъӕуы (Цъунар) баиу кӕндзысты магистралон хахх "Едыс-Цхинвал"-мӕ. Хъӕуы администрацийы сӕргълӕууӕг Бигъуылаты Олегы ныхӕстӕм гӕсгӕ, уый зынгӕ фӕхуыздӕр кӕндзӕн хъӕуы донифтонгады фарст.
"Хъӕуы ис 250 хӕдзары онг, дон кӕй нӕ фаг кодта, уымӕ гӕсгӕ лӕвӕрд цыд графикмӕ гӕсгӕ. Цыппар бон иу хатт-иу рацыд алы ран дӕр", - загъта хъӕуы хистӕр.
Йӕ ныхӕстӕм гӕсгӕ, кӕд бынтон проблемӕ нӕ алыг уа, уӕддӕр зынгӕ фӕхуыздӕр уыдзӕн уавӕр.
"Дыууӕ бак нӕм ис, сӕ бӕрцуат у 100 тонны. Нырма бӕстонӕй бӕрӕг нӕу, куыд ӕххӕсдзӕн хъӕуыл, фӕлӕ фидарӕй бӕрӕг у, бирӕ кӕй фенцондӕр уыдзӕн адӕмӕн", - бафтыдта уый.
Хъӕуы цӕрӕг Бӕззаты Оксанайы ныхӕстӕм гӕсгӕ, Къостайы хъӕуы доны проблемӕ азӕй-азмӕ нӕ нымӕг кӕны.
"Уалдзӕджы райдайынц нӕ хъизӕмӕрттӕ. Уӕлдайдӕр та цӕхӕрадӕтты донхӕры рӕстӕг куы ӕрлӕуы. Чидӕртӕ цӕхӕрадӕттӕм раттынц дон, кӕмӕндӕрты та хӕринагӕн дӕр нӕ фаг кӕны. Доны проблема Цъунары ис ныр 40 азы бӕрц", - дзуры хъӕуы цӕрӕг.
Цхинвалы районы Къостайы хъӕуы магистралон доны хахх Едыс-Цхинвалы иу кӕнынц майрӕмбоны.
Ног хабӕртты лентӕ
0