Хуссар Ирыстоны президентмӕ кандидатты фӕстаг къорд радтой линвистон фӕлварӕнтӕ

Диктант - Sputnik Хуссар Ирыстон, 1920, 11.03.2022
Бафыссын
Yandex newsTelegram
ЦХИНВАЛ, 11 мар – Sputnik, Козаты Диана. Президентмӕ кандидаттӕ, кӕцытӕн знон уыд лингвистон фӕлварӕнтӕ Хуссар Ирыстоны паддзахадон ӕвзӕгтӕй, ӕнтыстджынӕй сӕххӕст кодтой сӕ хӕслӕвӕрдтӕ, фехъусын кодта Централон ӕвзарӕн къамисы (ЦӔК) уӕнг Цоциты Игорь.
Цыппӕрӕмы фӕлварӕн дӕттой Къутӕрты Аслан, Тадтаты Таймураз, Уалыты Альберт, Зӕгъойты Рустам ӕмӕ Мулдарты Гарри. Цоциты Игорь бахахх кодта, кӕронбӕттӕн коллегиалон скъуыддзаг къамис рахӕсдзӕн ӕввахс рӕстӕджы рабадтыл.
Ӕртӕ боны дӕргъы лингвистон фӕлварӕн радтой:
Бибылты Анатолий
Гассеты Ибрагим
Гаглойты Алан
Тасойты Дмитрий
Санахъоты Давид
Плиты Александр
Хъазиты Зелим
Къутӕрты Аслан
Тадтаты Таймураз
Уалыты Альберт
Зӕгъойты Рустам
Мулдарты Гарри
Паддзахадон ӕвзӕгтӕ зоныны фӕдыл фӕлварӕнтӕ нӕ радтой Пухаты Владимир, Къацты Гено ӕмӕ Чилӕхсаты Владимир.
Централон ӕвзарӕн къамис 15 марты онг хъуамӕ фӕуа документты басгӕрст, ӕмӕ аскъуыддзаг кӕна сӕ регистрацийы фарст.
Республикӕйы 15 мартӕй райдайдзӕн агитацион период. Хуссар Ирыстоны президентон ӕвзӕрстытӕ ацӕудзысты 10 апрелы.
Ног хабӕртты лентӕ
0