Хуссар Иры Знауыры районы цӕрӕнуатмӕ радты лӕууӕг адӕмы басгардзӕн Юстицийы министрад

Знауыр - Sputnik Хуссар Ирыстон, 1920, 14.03.2022
Бафыссын
Yandex newsTelegram
ЦХИНВАЛ, 14 мар - Sputnik, Плиты Фатимӕ. Хуссар Ирыстоны Знауыры районы администрацийы дӕлбар цӕрӕнуӕтон къамис балхынцъ кодта йӕ куыст, радты лӕуджыты номхыгъд кӕройнаг басгӕрст ацӕудзӕн Юстицийы министрады. Уый тыххӕй Sputnik фехъусын кодта районы администрацийы сӕргълӕууӕджы хӕдивӕг, къамисы сӕрдар Гаглойты Юрий.
Знауыры поселочы Инвестицион нывӕзты фӕлгӕтты арӕзт ӕрцыд 18 фатерон хӕдзар.
"Къамис аскъуыддзаг кодта поселочы Ленины уынджы 36 аварион хӕдзары цӕрджытӕн рахицӕн кӕнын ног корпусы 11 фатеры. Аннӕ аст цӕрӕнуат уӕрст цӕудзысты радты лӕууӕг адӕмыл", - загъта уый.
Районы цӕрӕнуӕттӕм радты лӕууы 30 адӕймагӕй фылдӕр.
"Радты лӕууӕг адӕмы номхыгъд арвитдзыстӕм абон Юстицийы министрадмӕ. Уым номхыгъдтӕ басгардзысты ӕмӕ цӕрӕнуатон фонды байуӕрст кӕронмӕ лыг ӕрцӕудзӕн, - бахахх кодта къамисы сӕрдар.
Ног хабӕртты лентӕ
0