Транскамыл митуард ӕрлӕууыд, фӕлӕ фӕндаджы баконды тыххӕй нырма информаци нӕй – УУМ

© Пресс-служба МЧС РЮО Транскам
Транскам - Sputnik Хуссар Ирыстон, 1920, 14.03.2022
Бафыссын
Yandex newsTelegram
ЦХИНВАЛ, 14 мар – Sputnik, Тъехты Дзерассӕ. Транскавказы автомагистраль ӕхсӕзӕм бон у ӕхгӕд сӕрмагонд барамынды онг, фехъусын кодтой Sputnik Хуссар Ирыстоны Уӕлвӕткон уавӕрты министрады (УУМ) радгӕсон хайады къуырисӕры райсом. Уагдоны бӕрӕггӕнӕнтӕм гӕсгӕ, ныртӕккӕ трассӕйыл мит нал уары.
Транскам сӕхгӕдтой ӕртыццӕджы изӕры, тыхджын митуарды аххосӕй нӕ уыд сифтонг кӕнын фӕндагон змӕлды ӕдасдзинад. Тобӕ ӕвӕрд ӕрцыд дыууӕрдӕм дӕр сӕрмагонд барамынды онг. Цыппӕрӕмы фӕндаг асыгъдӕг кӕнын нӕ бантыст мигъ ӕмӕ митуарды тыххӕй.
"Ручъы тоннелӕй хуссар фарс трассӕ у сыгъдӕг, цӕгаттаг фарс та кусынц фӕндагон службӕтӕ. Уыдон басгардзысты тӕссаг бынӕттӕ ӕмӕ ӕруадздзысты зӕйтӕ, уый фӕстӕ та бавналдзысты трассӕ сыгъдӕг кӕнынмӕ", - загъта радгӕсон.
УУМ минӕвар бафтыдта, зӕгъгӕ, уагдоны нырма сӕ бон зӕгъын нӕу, кӕд бакӕндзысты Транскам.
Транскавказы автомагистраль у иунӕг фӕндаг, кӕцы иу кӕны Хуссар Ирыстоны Уӕрӕсеимӕ. Зымӕгон рӕстӕг фӕндаг кӕддӕрты ӕрцӕуы ӕхгӕд стыр митуарды аххосӕй.
Ног хабӕртты лентӕ
0