Хуссар Иры бакӕндзысты коронавирусы тестты ахуыр кӕныны лаборатори

© Sputnik / Ахизын фотобанкмӕЛаборатори
Лаборатори - Sputnik Хуссар Ирыстон, 1920, 15.03.2022
Бафыссын
Yandex newsTelegram
ЦХИНВАЛ, 15 мар - Sputnik, Плиты Фатимӕ. Хуссар Ирыстоны Дзауы районы рынчындоны бындурыл Ӕнӕниздзинад хъахъхъӕнынады министрад бакӕндзӕн лаборатори коронавирусы инфекци сбӕлвырд кӕнынӕн. Уый тыххӕй Sputnik радзырдта уагдоны сӕргълӕууӕг Наниты Сослан.
Йӕ ныхӕстӕм гӕсгӕ, уагдонмӕ ис медицинон ӕмӕ лабораторон ифтонгад.
"Тесттӕ кӕм аразӕм, ахӕм ифтонгад ис, хъӕуы бацӕттӕ кӕнын хатӕнтӕ, кӕм сӕ гӕнӕн уа сӕвӕрын. Дзауы районы рынчындон равзӕрстам, уымӕн ӕмӕ уым ис сӕрибар фӕзуат, кӕцы цалцӕджы фӕстӕ дзуапп дӕтдзӕн санитарон эпидемиологон домӕнтӕн, цӕмӕй дзы бакӕнӕм лабораторон диагностикӕ", - загъта министр.
Йӕ ныхӕстӕм гӕсгӕ, ацы лабораторийы лӕггӕдтӕй спайда кӕныны фадат уыдзӕн аннӕ районты цӕрджытӕн.
"Дзауы районы рынчындонмӕ цӕуын нӕ хъӕудзӕн. Уырдӕм ӕрвыст цӕудзысты ахуыр кӕнынмӕ ӕрмӕг республикӕйы ӕппӕт уагдӕттӕй", - бафтыдта Наниты Сослан.
Районы рынчындоны разамонӕг Гасситы Константины ныхӕстӕм гӕсгӕ, лабораторийӕн рахицӕн кодтой фӕстауӕрцон инфекцион хайад.
"Ацы фӕзуатӕй пайда кодтам карантины рӕстӕг. Уым фӕсарӕнтӕй ӕрцӕуӕггӕгтӕ ӕрвыстой инкубацион рӕстӕг. Хъӕуы хатӕнты рацаразын, ӕрмӕст уый фӕстӕ скусдзӕн лаборатори, цӕттӕ сты йӕ кусджытӕ дӕр", - загъта Гасситы Константин.
Ног хабӕртты лентӕ
0