Хуссар Иры хицауады сӕрдар бахӕс кодта бакусын тренерты мызд фӕфылдӕр кӕныныл

© Пресс-служба правительства Южной ОсетииХуссар Иры хицауады сӕрдар бахӕс кодта бакусын тренерты мызд фӕфылдӕр кӕныныл
Хуссар Иры хицауады сӕрдар бахӕс кодта бакусын тренерты мызд фӕфылдӕр кӕныныл  - Sputnik Хуссар Ирыстон, 1920, 15.03.2022
Бафыссын
Yandex newsTelegram
ЦХИНВАЛ, 15 мар - Sputnik. Хуссар Ирыстоны хицауады сӕрдар Бекъойты Геннадий бахӕс кодта бакусын тренертӕ ӕмӕ спортивон организациты къухдариуӕггӕнджыты мыздтӕ фӕфылдӕр кӕныны ӕмӕ сын разӕнгардгӕнӕн фиддонтӕ раттыны фырстыл.
Фарстыл уынаффӕ цыд премьер-министры рабадты рӕстӕджы хицауады ӕмӕ парламенты уӕнгтӕ, спортивон уагдӕтты минӕвӕрттӕ ӕмӕ республикӕйы тренертимӕ.
"Тренерты мыздтимӕ сӕвзӕргӕ уавӕрмӕ хъӕуы ӕркӕсын. Адӕм, кӕцытӕ ӕххуыс кӕнынц нӕ сывӕллӕттӕн чемпионтӕ суӕвыны хъуыддаджы, хъуамӕ хорзӕхджын цӕуой ӕмбӕлон уагӕй", - загъта спорт ӕмӕ физикон культурӕйы комитеты сӕргълӕууӕг Зассеты Сергей.
Уый ма бавдыста ӕмбӕлон уагӕвӕрды проект дӕр.
Бекъойты Геннадий фехъусын кодта, зӕгъгӕ, президент бахӕс кодта хицауадӕн бакусын физикон культурӕ ӕмӕ спорты фадыджы кусджытӕн разӕнгардгӕнӕн фиддонты фарстыл.
"Фарстытӕ сты актуалон.Спортивон уагдӕтты алы категорийы кусджыты, уӕлдайдӕр та сӕ спортсменты къухты стыр ӕнтыстытӕ кӕмӕн бафтынц, уыцы тренертӕ-хъомылгӕнджыты фыдӕбонӕн хъуамӕ аргъ кӕнӕм, куыд ӕмбӕлы, афтӕ", - бахахх кодта хицауады сӕргълӕууӕг.
Бекъойты Геннадий бахӕс кодта комитӕн финансты министрадимӕ иумӕ лӕмбынӕг бакусын кусджыты категоритӕ снысан кӕныны ӕмӕ фиддонты бӕрц аскъуыддзаг кӕныны фарстытыл ӕмӕ сӕ ӕввахс рӕстӕджы бавдисын хицауадмӕ.
Ног хабӕртты лентӕ
0