Транскам иу къуыри у ӕхгӕд. Йӕ бакӕныны тыххӕй нырма информаци нӕй – Хуссар Иры УУМ

© Sputnik / Natalia AiriyanТранскам
Транскам  - Sputnik Хуссар Ирыстон, 1920, 15.03.2022
Бафыссын
Yandex newsTelegram
ЦХИНВАЛ, 15 мар – Sputnik, Тъехты Дзерассӕ. Транскамыл ӕнӕхъӕн ӕхсӕв уарыд мит, уый фӕдыл фӕндаг нырма дӕр у ӕхгӕд, фехъусын кодтой Sputnik Хуссар Ирыстоны Уӕлвӕткон уавӕрты министрады (УУМ) радгӕсон хайады дыццӕджы райсом.
Уагдоны бӕрӕггӕнӕнтӕм гӕсгӕ, хӕхты ис зӕйтӕ ӕрцӕуыны тас.
"Кусджытӕн нырма нӕ радтой приказ, цӕмӕй ӕруадзой зӕйтӕ. Сихормӕ бакӕсӕм, ратдзысты ахӕм приказ ӕви нӕ. Фӕлӕ уӕддӕр фӕндаг бакӕныны фӕдыл нырма дырыс информаци нӕй", - загътой радгӕсон хайады.
Транскам сӕхгӕдтой 9 марты, тыхджын митуарды аххосӕй нӕ уыд сифтонг кӕнын фӕндагон змӕлды ӕдасдзинад. Тобӕ ӕвӕрд ӕрцыд дыууӕрдӕм дӕр сӕрмагонд барамынды онг. Цыппӕрӕмы фӕндаг асыгъдӕг кӕнын нӕ бантыст мигъ ӕмӕ митуарды тыххӕй.
Знон УУМ сӕргълӕууӕджы фыццаг хӕдивӕг Бестауты Ацӕмӕз уӕлвӕткон уагдоны Telegram-каналы фехъусын кодта, министрады минӕвӕрттӕ кӕй бадзырдтой цӕгатирыстойнаг коллегӕтимӕ, цӕмӕй бакӕной коридор Транскамы уылты ӕмӕ Хуссар Ирыстонмӕ ӕртӕ уӕзласӕн хӕдтулгӕ ӕрласой ссад ӕмӕ ӕртаг.
Ног хабӕртты лентӕ
0