Дудайты Донна Цхинвалӕй ссис дунейы чемпионаты призер ӕппӕтстилон каратэйӕ

© Из личного архива тренера Владимира СозаеваХуссар Иры каратисттӕ
Хуссар Иры каратисттӕ - Sputnik Хуссар Ирыстон, 1920, 18.03.2022
Бафыссын
Yandex newsTelegram
ЦХИНВАЛ, 18 мар - Sputnik, Гӕбӕраты Элина. Хуссарирыстойнаг спортсменкӕ Дудайты Донна рамбылдта бронзӕйон майдан дунейы чемпионаты ӕппӕтстилон каратэйӕ. Хуссар Ирыстоны командӕйы тренер Созаты Владимир куыд радзырдта Sputnik, афтӕмӕй ерыстӕ цыдысты Суздалы 8-14 марты.
© Из личного архива тренера Владимира СозаеваХуссар Иры каратисттӕ
Каратисты Южной Осетии - Sputnik Хуссар Ирыстон, 1920, 18.03.2022
Хуссар Иры каратисттӕ
Дунейы фыццагад ӕмӕ чемпионат ӕппӕтстилон каратэйӕ ацыд спорты галуан "Суздаль Арена"-йы. Хайад дзы райстой командӕтӕ Уӕрӕсейы 50 регионӕй, афтӕ ма 15 фӕсарӕйнаг паддзахады командӕйы, сӕ нымӕцы ДАР, Беларусь, Кени, Алжир, Камерун, Казахстан, Узбекистан, Таджикистан, Хуссар Ирыстон, Абхаз, Молдова, Турк, Ангола, Куба, Азербайджан. Чемпионаты хайадисджытӕ ӕдӕппӕт уыдысты ӕртӕ мин спортсмены.
Хуссар Ирыстонӕй чызджыты хсӕн хайад райстой Дудайты Донна, Гаглойты Диана ӕмӕ Тадтаты Софья. Бацӕттӕ сӕ кодта киокусинкай каратэйы тренер Созаты Владимир.
© Из личного архива тренера Владимира СозаеваХуссар Иры каратисттӕ
Каратисты Южной Осетии - Sputnik Хуссар Ирыстон, 1920, 18.03.2022
Хуссар Иры каратисттӕ
Нӕлгоймӕгты хсӕн республикӕйы кад хъахъхъӕдтой Арсен Каспаров ӕмӕ Козаты Роберт. Уыдон тренировкӕ кодтой ӕмбуар хӕсты тренер Хъуылымбегты Мамеды къухдариуӕгады бын.
Созаты Владимир куыд радзырдта, афтӕмӕй фыццагады фыццаг бон ралӕууыдысты Дудайты Донна ӕмӕ Гаглойты Диана. Уыдон дыууӕ дӕр фӕхӕрд сты финалмӕ ахизыны тохы, уымӕн ӕмӕ тӕрхонгӕнджытӕ ӕххуыс кодтой сӕ ныхмӕлӕуджытӕн, банысан кодта сӕ тренер.
"Тӕрхонгӕнджытимӕ хъаугъа кӕнӕн нӕй. Дыууӕ спортсменкӕ дӕр фембылд сты, ӕмӕ сӕ бахъуыд кӕрӕдзи хсӕн ауадзын тох ӕртыккаг бынатыл", - банысан кодта тренер.
Ерысты дыккаг бон архайдтой Тадтаты Софья, Арсен Каспаров ӕмӕ Козаты Роберт. Созаты Владимиры ныхӕстӕм гӕсгӕ, уыдон иууылдӕр фӕхӕрд сты сӕ ныхмӕлӕуджытӕн ӕмӕ рахаудтой ерыстӕй.
© Из личного архива тренера Владимира СозаеваХуссар Иры каратисттӕ
Каратисты Южной Осетии - Sputnik Хуссар Ирыстон, 1920, 18.03.2022
Хуссар Иры каратисттӕ
"Ахӕм ралӕудты аххосаг у нӕ спортсментӕн ерысгӕнӕн фӕлтӕрддзинад кӕй нӕ фаг кӕны, уый", - бахахх кодта тренер.
Тренеры ныфс ис, боныгъӕд ӕмӕ экономикон уавӕр фадат кӕй ратдзысты уыдонӕн хайад райсын Уӕрӕсейы фыццагады 24-28 марты, кӕцы ацӕудзӕн Мӕскуыйы. Афтӕ ма каратистты нывӕзты ис ӕхсӕнадӕмон ерыстӕ 1-3 майы УФ столицӕйы, цы ран хуссарирыстойнаг командӕ ралӕудзӕн йӕхи националон тырысайы бын.
Ног хабӕртты лентӕ
0