Кошты Къоста: Ереды трагедийы ӕнӕ тӕрхон ныууадзӕн нӕй

Кошты Къоста: Ереды трагедийы ӕнӕ тӕрхон ныууадзӕн нӕй гӕнӕн
Бафыссын
Yandex newsTelegram
Хуссар Ирыстоны майрӕмбоны мысынц Ереды трагедийы амӕттӕгты. Журналист Кошты Къоста куыд радзырдта радио Sputnik эфиры, уымӕ гӕсгӕ 32 азы мидӕг нӕма ацы фыдракӕндӕн не ‘рцыд хаст тӕрхон.
"Ацы хъуыддагӕн ӕнӕ тӕрхон нӕй ныууадзӕн. Нӕхимӕ цы ӕрмӕг ис, уыдон фаг сты. Фӕлӕ дзырд ӕрмӕст ууыл нӕ цӕуы ӕмӕ ацы фыдракӕнды архайджыты бафхӕрой, ам ӕфхӕринаг у гуырдзиаг фашизмӕн йӕ идеологи", - банысан кодта Къоста.
Журналист куыд бахахх кодта, уымӕ гӕсгӕ ацы ӕвирхъау хъуыддагыл хъӕуы архайын, цӕмӕй йӕ дунейы иууылдӕр фехъусой.
"Мах ӕй ӕнӕхъӕн дунейыл нӕ ныхъхъӕр кодтам, ӕмӕ уый бӕсты сӕдӕгай фембӕлдты дзурӕм: кӕйдӕр стур бахызт арӕныл, стӕй фӕстӕмӕ ахызт, фӕлӕ цӕуыл хъӕуы дзурын уӕдӕй абон онг, ууыл та нӕ", - бафиппайдта уый.
Кошты Къостайы ныхӕстӕм гӕсгӕ, ацы фыдракӕндтӕ куыннӕ фехъусын кӕнӕм дунейыл, уӕд сомбон нӕ кӕстӕртыл уый нырма бандавдзӕн.
Ног хабӕртты лентӕ
0