Криминалист Ходты Рудольфы мысинæгтæ Ереды трагедийы амӕттӕгты эксгумацийы тыххӕй

Ереды трагеди: Ходты Рудольфы мысинæгтæ
Бафыссын
Yandex newsTelegram
Хуссар Ирыстоны 18 марты мысынц Ереды трагедийы амæттæгты. Уыцы бон 1991 азы гуырдзиаг хотыхджын баиугæндтæ æрурæдтой сабыр цæрæг бæлццæтты æмæ сæ бирӕ фыдмиты фӕстӕ удæгасæй баныгæдтой Ереды хъæумæ хæстæг. Уый тыххæй радио Sputnik радзырдта МХМ раздæры кусæг, криминалист Ходты Рудольф.
"Сæ къухтæ æмæ къæхтæ уыдысты баст телтæй. Бабастой сæ тракторыл æмæ сæ сластой хъӕдрӕбынмӕ - Берулайы хъӕуӕй иу æмæ æрдæг километры дӕрддзӕф", - радзырдта цæстæйфенæг.
Ходты Рудольф куыд банысан кодта, афтæмæй амæттæгтæ æбæрæгæй сæфтыл нымад цыдысты, фæлæ трагедийы фæстæ æртæ азы куы рацыди уæд сæ ссардтой информаторы бацамындмæ гæсгæ.
"Информатор гуырдзиаг уыд. Æвæццæгæн, ацы лæгæн проблемæтæ уыд æмæ йæ ралидзын фæндыд махæрдæм. Бадт æхгæд хæдтулгæйы, тынг тарст, кæй йæ фендзысты, æмæ уырдыгæй равдыста, кæм хъæуы агурын", - загъта оператор.
Уый ма банысан кодта, фæдагуырды рæстæджы семæ кæй уыдысты гуырдзиаг милиционертæ, æмæ скъæхтытæ куы райдыдтой, уæд алыгъдысты.
Бæстондæрæй интервьюмæ хъусут радио Sputnik Хуссар Ирыстоны 106.3 fm.
Ног хабӕртты лентӕ
0