Хуссар Иры Тъбеты хъӕумӕ уадзынц дон

© Sputnik / Eugene Odinokov / Ахизын фотобанкмӕКран в ванной комнате
Кран в ванной комнате - Sputnik Хуссар Ирыстон, 1920, 21.03.2022
Бафыссын
Yandex newsTelegram
ЦХИНВАЛ, 21 мар - Sputnik, Плиты Фатимӕ. Хуссар Ирыстоны Цхинвалы районы Тъбеты хъӕуы ӕввахс рӕстӕджы алыг кӕндзысты донифтонгады проблемӕ, фехъусын кодта Sputnik районы цӕрӕнуатон-коммуналон службӕйы хистӕр Уазӕгты Мевлуд.
Куыстыты фылдӕр хай у конд. 200 метры дӕргъӕн трубӕ ӕвӕрд ӕрцыд.
"Тъбеты хъӕу дӕр Цъунары ӕмрӕнхъ баиу кӕндзысты столицӕйы донифтонгады хахх "Едыс-Цхинвал"-мӕ. Куыстыты 99 процент сты арӕзт. Ныридӕгӕн хъӕуы Водоканалимӕ саразын сразыдзинад ӕмӕ баиу кӕнын доны хахх хъӕумӕ", - загъта Уазӕгты Мевлуд.
Хъӕу ифтонг цӕудзӕн 50 диаметры трубайӕ. Дон хъӕумӕ куы бацӕуа, уый фӕстӕ та срӕвдз кӕндзысты хъӕуы мидӕг хаххыл куыст.
"Ацы азы нывӕзты нын ис фӕрӕзтӕ, кӕцыты руаджы хъӕуы мидӕг дон кӕм цух кӕны, уым ауадздзыстӕм доны хахх", - бафтыдта уый.
Уымӕй дарддӕр ма ацы аз хъусдард здӕхт ӕрцӕудзӕн Ног хъӕуы донифтонгады арӕзтадмӕ.
Ног хабӕртты лентӕ
0