Дзауы районы сӕргълӕууӕг Къоз ӕмӕ Синагурмӕ фӕндӕгты уавӕры тыххӕй

Дзауы районы сӕргълӕууӕг Къоз ӕмӕ Синагурмӕ фӕндӕгты уавӕры тыххӕй
Бафыссын
Yandex newsTelegram
Дзауы районы администрацийы сӕргълӕууӕг Джиоты Андрей радзырдта радио Sputnik Хуссар Ирыстонӕн Къоз ӕмӕ Синагуры хъӕуты уавӕры тыххӕй. Стыр митуарды аххосӕй уыдонмӕ аскъуыд фӕндагон бастдзинад ӕмӕ ныр дыккаг къуыри сты иппӕрд дунейӕ. Джиоты Андрей куыд банысан кодта, уымӕ гӕсгӕ дыууӕ метры бӕрц мит ныууарыд ӕмӕ фӕндагон службӕты кусын нӕ уагъта.
"Къозмӕ фӕндагыл куыстой дыууӕ боны, хъӕумӕ схызтысты, рынчын лӕг дзы уыд, ӕмӕ йӕ ракодтой Къуаисайы рынчындонмӕ. Тынг уӕззау куыст бакодтой ӕмӕ хорзӕхджын дӕр ӕрцӕудзысты", - загътӕ администрацийы сӕргълӕууӕг.
Синагуры хъӕумӕ нырма дӕр нӕй фӕндаг, уым дӕр бирӕ мит кӕй ныууарыд, уый аххосӕй.
"Ӕртӕ бон фӕдфӕдыл кусынц зын уавӕрты, бирӕ мит ныууарыд уым дӕр, техникӕ дзы хӕлгӕ дӕр фӕкодта. Ныр ӕй цалцӕг кӕнынц ӕмӕ, куыд загътой, афтӕмӕй изӕрмӕ фӕндаг лыг ӕрцӕудзӕн", - загъта Джиоты Андрей.
Дзауы районы администрацийы сӕргълӕууӕджы ныхӕстӕм гӕсгӕ, кӕд Синагуры цӕрджытӕ 12 боны ӕнӕ фӕндагон бастдзинадӕй баззадысты, уыддӕр тынг зын уавӕрты не сты.
Ног хабӕртты лентӕ
0