Донбассаг сабитӕн сарӕзтой бӕрӕгбон Цхинвалы сывӕллӕтты кафетӕй иуы

© Из архива Я. Плиевой.Донбассаг сабитӕн сарӕзтой бӕрӕгбон Цхинвалы сывӕллӕтты кафетӕй иуы
Донбассаг сабитӕн сарӕзтой бӕрӕгбон Цхинвалы сывӕллӕтты кафетӕй иуы - Sputnik Хуссар Ирыстон, 1920, 25.03.2022
Рафыссын
ЦХИНВАЛ, 25 мар Sputnik, Тъехты Дзерассӕ. Цхинвалы сывӕллӕтты кафетӕй иу ауагъта ДАР ӕмӕ ЛАР лигъдон сабитӕн бӕрӕгбонон изӕр. Хиирхӕфсӕн уагдоны хицау куыд радзырдта Sputnik, афтӕмӕй сӕм ацы хъуыды фӕзынд, куыддӕр Донбассы республикӕтӕй лигъдӕттӕ ӕрцыдысты Хуссар Ирмӕ, афтӕ, фӕлӕ йӕ реализаци ныффӕстиат.
Февралы кӕрӕтты, Уӕрӕсейы сӕрмагонд операцийы расидты фӕстӕ, Хуссар Ирыстонмӕ ӕрцыдысты Донецкы 42 ӕмбӕстаджы, уыдонӕй 24 сты 12 азы кары онг сывӕллӕттӕ. Лигъдӕтты бакодтой Цхинвалы уазӕгдӕттӕй иумӕ. Сабитӕ ахуырмӕ ӕрӕвнӕлдтой столицӕйы 3-аг скъолайы.
© Из архива Я. Плиевой.Донбассаг сабитӕн сарӕзтой бӕрӕгбон Цхинвалы сывӕллӕтты кафетӕй иуы
Детям из Донбасса организовали праздник в одном из детских кафе Цхинвала - Sputnik Хуссар Ирыстон, 1920, 25.03.2022
Донбассаг сабитӕн сарӕзтой бӕрӕгбон Цхинвалы сывӕллӕтты кафетӕй иуы
"Луганск ӕмӕ Донецкӕй сывӕллӕтты нӕ фӕндыд фӕхонын се 'рцыдӕй иу къуырийы фӕстӕ, фӕлӕ уыдон рарынчын сты ӕмӕ бахаудтой карантинмӕ. Стӕй та-иу бон скъолайы уыдысты, изӕры сӕ уроктӕ ахуыр кодтой, уымӕ гӕсгӕ мадзал фӕфӕстиат ис. Ныр сын скъолайы каникултӕ кӕй ис, уымӕ гӕсгӕ нын фӕцис фадат фӕхонын сывӕллӕтты ӕмӕ сын сӕ зӕрдӕтӕ бахъӕлдзӕг кӕнын", - загъта директор.
Уый бафтыдта, зӕгъгӕ, 6-15 азы кары 15 сывӕллоны сӕ рӕстӕг арвыстой хъазӕн лабиринты, фӕхъазыдысты кафейы иннӕ уазджытимӕ. Афтӕ ма сӕ суазӕг кодтой менюйы алы позицийӕ дӕр.
Ног хабӕртты лентӕ
0