"Фӕкусынц талынгтӕм": Дзауы сӕргълӕууӕг Синагурмæ фӕндаг ссыгъдæг кæныны тыххӕй

Синагурмæ сыгъдæг кæныныл куыст цæуы
Бафыссын
Yandex newsTelegram
Хуссар Ирыстоны Дзауы районы Синагурмӕ фæндаг ссыгъдæг кæныныл куыд кусынц, уый тыххæй радио Sputnik радзырдта Дзауы районы администрацийы сæргълæууæг Джиоты Андрей.
"Знон фæндаг сыгъдæг кæныныл куыстой техникæйы фондз иуæджы. Хъызт дзы уыд тынг, мит уарыд, зæйтæ дæр дзы æрцыдис æхсæз. Цалынмæ æрталынг вæййы, уæдмæ кусынц", - радзырдта администрацийы сæргълæууæг.
Уый ма банысан кодта, адӕммæ кæй фæхæццæ кодтой æнæмæнгхъæуæг хӕлцады æмæ медикаменттæ.
"Цыдæриддæр сæ хъæуы, алцыдæр сæм фæхæццæ кодтам. Синагуры амбулаториты ис медицинон кусджытæ, кæцытӕ баххуыс кæндзысты цӕрджытӕн бахъуыды рæстæджы", - банысан кодта Джиоты Андрей.
Бæстондæрæй æрмæгмæ хъусут радио Sputnik Хуссар Ирыстон 106.3 fm.
Ног хабӕртты лентӕ
0