Натия Чохели фестивалы сывæллæтты архайды тыххæй: æххæстæй раргом кодтой сæ курдиат

Хуссар Иры ног фæлтæр: фестивалы æххæстæй раргом кодтой сæ курдиат
Рафыссын
Цхинвалы гимнази "Альбион"-ы ахуырдзаутӕ хайад райстой Цӕгат Ирыстоны фӕсивӕдон ӕмӕ сабиты театрты фестиваль "Амыраны рухс"-ы. Ахуырдзаутӕ бавдыстой спектакльтӕ "Сидзæргæс" ӕмӕ "Скорбящий ангел", радзырдта радио Sputnik Цæгат æмæ Хуссар Иры сгуыхт артисткæ, гимнази "Альбион"-ы театралон студийы режиссер Натия Чохели.
Уый банысан кодта, ног фæлтæры кæй хъæуы культурæ æмæ аивадимæ зонгæ кæнын, цæмæй сæ удыхъæды райрæзт уа гуырахстджындæр, сæ миддуне та хъæздыгдæр. Кæстæртимæ архайыны рæстæджы та йын ис йæхи методтæ.
"Тынг бирæ рæстæг ацæуы кастингтыл, цæмæй фæлгонцæн артисты ссарон. Сывæллæтты хъазын сахуыр кæнынæн равзæрстон ахæм метод: æмбарын ын æй кæнын, цы хъуамæ хата, фæлгонцæй нæ цы хъæуы. Иууыл чысылтæн æй мæхæдæг фенын кæнын, куыд хъæуы ахъазын", - радзырдта сгуыхт артисткæ.
Чохели Натияйы ныхæстæм гæсгæ, сывæллæттæ афтæ хорз сæхи равдыстой фестивалы æмæ сын кæд репетицийы рæстæджы хорзы нысанæй аргъ кодта, уæд фестивалы æххæстæй раргом кодтой сæ курдиат.
Гимнази "Альбион"-ы театралон студийы архайды тыххæй бæстондæрæй хъусут радио Sputnik Хуссар Ирыстон эфиры 106.3 улæныл.
Ног хабӕртты лентӕ
0