Донбассӕй лигъдӕттӕн Цхинвалы равдисдзысты концерт

© Из архива Я. Плиевой.Донбассы сывӕллӕттӕ
Донбассы сывӕллӕттӕ - Sputnik Хуссар Ирыстон, 1920, 30.03.2022
Бафыссын
Yandex newsTelegram
ЦХИНВАЛ, 30 мар - Sputnik, Плиты Фатимӕ. Хуссар Ирыстоны столицӕйы культурӕйы хайад Россотрудничествоимӕ иумӕ Донбассӕй лигъдӕттӕн бацӕттӕ кӕндзӕн сфӕлдыстадон изӕр, фехъусын кодта Sputnik Цхинвалы мэрияйы.
Концерт ацӕудзӕн 30 марты, 16:00 сахатыл Цхинвалы Культурӕйы хӕдзары.
"Нӕ уазджытӕ сты ӕмӕ сӕ хъӕуы барӕвдауын. Лигъдӕтты зӕнӕг сӕхӕдӕг дӕр архайдзысты мадзалы. Арӕхсынц кафынмӕ, зарынмӕ", - загъта Цхинвалы администрацийы культурӕ ӕмӕ фӕсивӕдон политикӕйы хайады хистӕр Тасойты Игорь.
Уый ма бафтыдта, равӕлгъау уазджытӕн кӕй ауадздзысты ирон хореографийӕ мастер-класстӕ.
"Мадзалы хайад исдзысты ансамбль "Ирон", адӕмон артист Харебаты Вадим, зарӕггӕнӕг Зассеты Максим, се 'мдзӕвгӕтӕ бакӕсдзысты Зассеты Мераб ӕмӕ Пухаты Александр", - бафтыдта уый.
Бӕрӕгбонон изӕры рӕстӕджы уазджытӕн фадат уыдзӕн ирон националон дарӕсы сӕ къамтӕ сисын дӕр.
Хуссар Иры МХМ финансон ӕххуыс бакодта Донбассӕй лигъдӕттӕн - Sputnik Хуссар Ирыстон, 1920, 21.03.2022
Хуссар Иры МХМ финансон ӕххуыс бакодта Донбассӕй лигъдӕттӕн
Ног хабӕртты лентӕ
0