Хуссар Иры ацӕудзӕн турнир цыбыр нардӕтӕй

Нардитӕ - Sputnik Хуссар Ирыстон, 1920, 30.03.2022
Бафыссын
Yandex newsTelegram
ЦХИНВАЛ, 29 мар — Sputnik, Хъуылымбегты Зӕлинӕ. Хуссар Ирыстоны столицӕйы ацӕудзӕн гом турнир цыбыр нардӕтӕй Президенты кубокы сӕраппонд, фехъусын кодта столицӕйы администрацийы культурӕ, фӕсивӕд ӕмӕ спорты дӕлхайады хистӕр Тасойты Игорь.
Йӕ ныхӕстӕм гӕсгӕ, ерыстӕ цӕудзысты 31 мартӕй 1 апрелы онг 11.00 сахатыл Культурӕйы хӕдзары (Совпрофы бӕстыхай). Хайад райсыны бар дзы ис 18 азӕй хистӕрдӕр адӕмӕн.

"Турниры хайад исдзысты хъазджытӕ куыд Хуссар, афтӕ Цӕгат Ирыстонӕй дӕр. Уӕлахиздзаутӕм ӕнхъӕлмӕ кӕсынц ӕхцайы ӕмӕ ӕндӕр призтӕ. Фыццаг бынатӕн уӕлахиздзау райсдзӕн 50 000 сомы, дыккагӕн – 30 000 сомы, ӕртыккагӕн та – 20 000 сомы. Лӕвӕртты хсӕн уыддзӕн къухӕй арӕзт нардӕтӕ", - банысан кодта Тасойты Игорь.

Уый банысан кодта, хъӕзтытӕ кӕй цӕудзысты сценӕйыл ӕмӕ трансляци кӕндзысты проекторыл, цӕмӕй кӕсджытӕн лӕмбынӕгӕй бакӕсыны фадат уа ерыстӕм.
Ног хабӕртты лентӕ
0