Цхинвайлаг гимнасткӕтӕ ралӕудзысты турниры Нальчикы

© Sputnik / Natalia AiriyanАивадон гимнастикӕ
Аивадон гимнастикӕ - Sputnik Хуссар Ирыстон, 1920, 08.04.2022
Бафыссын
Yandex newsTelegram
ЦХИНВАЛ, 8 апр — Sputnik, Хъуылымбегты Зӕлинӕ. Хуссарирыстойнаг спортсменкӕтӕ хайад райсдзысты аивадон гимнастикӕйӕ турниры Нальчикы. Уый тыххӕй фехъусын кодта Хуссар Ирыстоны аивадон гимнастикӕйы федерацийы президент Цхуырбаты Зема.
"Турнирмӕ махӕй ацӕудзӕн хицӕн кары 27 чызджы. Ерыстӕ цӕудзысты ӕртӕ боны дӕргъы, мах ралӕудзыстӕм фыццаг бон. Мадзалы хайад исдзысты гимнасткӕтӕ ӕппӕт Цӕгат Кавказӕй", - загъта уый.
Цхуырбаты Зема банысан кодта, ацы ерыстӕ кӕй цӕуынц ныр цалдӕр азы фӕд-фӕдыл, фӕлӕ ивгъуыд азы цхинвайлаг гимнасткӕтӕн фадат нӕ фӕцис уырдӕм ацӕуын, Транскам кӕй сӕхгӕдтой, уый аххосӕй.
"Махмӕ ис фидар сывӕллӕттӕ ӕмӕ ӕнхъӕлмӕ кӕсӕм сыгъзӕрин ӕмӕ ӕвзист майдантӕм", - бафтыдта тренер.
Ног хабӕртты лентӕ
0