Хуссар Иры боксертӕ стох кӕндзысты ЦКФЗ ерысты

© Из архива тренера Р. КумаритоваХуссар Иры боксертӕ стох кӕндзысты ЦКФЗ ерысты
Хуссар Иры боксертӕ стох кӕндзысты ЦКФЗ ерысты - Sputnik Хуссар Ирыстон, 1920, 11.04.2022
Бафыссын
Yandex newsTelegram
ЦХИНВАЛ, 11 апр — Sputnik, Плиты Фатимӕ. Хуссар Ирыстоны ӕртӕ ӕрыгон боксеры стох кӕндзысты Цӕгат Кавказы федералон зылды ерысты (ЦКФЗ) 13-15 азы кары фӕсивӕды хсӕн, фехъусын кодта Sputnik боксы тренер Куымӕридтаты Родион.
Ерысты старт нысангонд у 18 апрельмӕ.
"Амӕйразмӕ спаррингты фӕсивӕд рамбылдтой ЦКФЗ ӕмвӕзадыл ерысты тох кӕныны бар. Гуыцмӕзты Тамерлан, Хуриты Дмитрий ӕмӕ Коцты Дауыт сты кӕцыфӕнды турниры дӕр аккаг ныхмӕлӕууӕг", - загъта тренер.
Уый ма бафиппайда, сӕрмагондӕй ацы ерыстӕм лӕппутӕ сӕхи цӕттӕ кӕнынц уӕлӕмхасӕй.
"Нырма ам бынаты куыстам, ныр та ацыдысты Цӕгат Ирыстонмӕ, цӕмӕй уым Ирыстоны командӕ иумӕ йӕхи бацӕттӕ кӕна", - бахахх кодта уый.
Турнир цӕудзӕн Ставрополы крайы станица Суворовскаяйы. Ерыстӕ уыдзысты ӕвзарӕн Уӕрӕсейы фыццагадмӕ.
Боксерты цӕттӕ кӕнынц тренертӕ Кумӕридтаты Родион ӕмӕ Тедеты Александр.
Ног хабӕртты лентӕ
0