Арт-тыгъдад "портал"-ы ацӕудзӕн фембӕлд ахуыргонд Цыбырты Алексейимӕ

© SputnikЦыбырты Алексей
Цыбырты Алексей - Sputnik Хуссар Ирыстон, 1920, 13.04.2022
Рафыссын
ЦХИНВАЛ, 13 апр — Sputnik, Хъуылымбегты Зӕлинӕ. Хуссарирыстойнаг "Портал"-ы ацӕудзӕн изӕр РАН Дзӕуджыхъӕуккаг зонадон центры директор Цыбырты Алексейимӕ. Проекты бындурӕвӕрджытӕй иу Гуыцмӕзты Инна куыд фехъусын кодта Sputnik, афтӕмӕй мадзалы темӕ уыдзӕн "Гарольд Бейли — черкеска для английского рыцаря".
"Гарольд Бейли советон дуджы-иу ӕрцыд Кавказмӕ ӕмӕ бабӕрӕг кодта Хуссар Ирыстон дӕр, фембӕлд интеллигенциимӕ. Абон мах ӕрдзурдзыстӕм, цы тӕлмӕнтӕ райста англисаг иртасӕг Хуссар Ирыстоны, ууыл" – загъта Гуыцмӕзты Инна.
Фембӕлд ацӕудзӕн ӕртыццӕджы 19.00 сахатыл, бацӕуӕны бар ис алкӕмӕндӕр.
"Фӕнды мӕ банысан кӕнын, Цыбырты Алексей уыд гоймӕгты хсӕн, кӕцытӕ баххуыс кодтой "Портал"-ы арӕзтадӕн Хуссар Ирыстоны", - загъта Гуыцмӕзты Инна.
Уый размӕ сфӕлдыстадон тыгъдад "Портал"-ы ацыд культурон изӕр, кӕцыйы хайад райста вокалон-инструменталон ансабль Цӕгат Ирыстонӕй "Уацамонгӕ".
Арт-тыгъдад "Портал"-ы хъуыды фӕзынд Дзӕуджыхъӕуы активон фӕсивӕды хсӕн. Ахӕм проект Хуссар Ирыстоны сорганизаци кӕныны хъӕппӕрис бахастой хуссарирыстойнаг активисттӕ: Гуыцмӕзты Инна, Джиоты Къоста, Дзигойты Карина ӕмӕ ӕндӕртӕ.
Ног хабӕртты лентӕ
0