Цхинвалы алфӕмбылай сфӕлындзысты хъырымаг нӕзыбӕлӕстӕй

© Sputnik / Сергей Мальгавко / Ахизын фотобанкмӕНӕзыбӕлас
Нӕзыбӕлас - Sputnik Хуссар Ирыстон, 1920, 19.04.2022
Бафыссын
Yandex newsTelegram
ЦХИНВАЛ, 19 апр — Sputnik, Хъуылымбегты Зӕлинӕ. Хуссар Ирыстоны бавнӕлдтой хъырымаг нӕзыбӕласы талатӕ садзынмӕ, фехъусын кодта Sputnik Хъӕды хӕдзарады фӕткдаруаты хъӕды хъахъхъӕнынад ӕмӕ цалцӕджы дӕлхайады хистӕр Мамиты Владислав.
Уый банысан кодта, фидӕны нӕзыбӕлӕсты хъӕд суыдзӕн горӕты цӕрджытӕн улӕфӕн бынат.
Хъырымаг нӕзыбӕлас у егъау хихджын бӕлас, кӕцыйы бӕрзӕнд вӕййы 45 метры онг.

"Мах ӕрластам Дзӕуджыхъӕуӕй хъырымаг нӕзыбӕласы цыппар мин талайӕ фылдӕр. Абоны бонмӕ мах ныссагътам иу мин талайӕ фылдӕр, нывӕндӕм ныссадзын ацы территорийыл дыууӕ мин талайы бӕрц. Горӕт цӕгатырдӕм кӕй рӕзы, уый фӕдыл мах дӕр аскъуыддзаг кодтам ныссадзын талатӕ ам, цӕмӕй фидӕны цӕрджытӕн уа бынат улӕфынӕн", - банысан кодта Мамиты Владислав.

Йӕ ныхӕстӕм гӕсгӕ, аннӕ талатӕ ныссадздзысты Ленингорырдӕм.
Уый размӕ хъӕды фонд сцалцӕг кӕныны нысанӕн Цхинвал – Ленингор фӕндагыл ныссагътой сырх тулдзы фондз мин талайы.
Цхинвалы садзынц декоративон къутӕртӕ - Sputnik Хуссар Ирыстон, 1920, 08.04.2022
12 мин талайы: Цхинвалы садзынц декоративон къутӕртӕ
Ног хабӕртты лентӕ
0