Хуссар Иры дыууӕ боксеры рамбылдтой Домбайы кубоктӕ

© Их архива тренера А. ДзигоеваХуссар Иры дыууӕ боксеры рамбылдтой Домбайы кубоктӕ
Хуссар Иры дыууӕ боксеры рамбылдтой Домбайы кубоктӕ - Sputnik Хуссар Ирыстон, 1920, 20.04.2022
Бафыссын
Yandex newsTelegram
ЦХИНВАЛ, 20 апр — Sputnik, Плиты Фатимӕ. Хуссар Ирыстоны дыууӕ боксеры рамбылдтой Хъӕрӕсе-Черкесы республикӕйы сӕдӕ азы юбилейы цытӕн ӕхсӕнрегионалон турнир "Кубок Домбая", фехъусын кодта Sputnik сӕ тренер Дзигойты Ацӕмӕз.
Турниры триумфаторты нымӕцы сты дыууӕ цхинвайлаг боксеры - Гӕджиты Гурам ӕмӕ Багаури Тамаз. Фыццаг тох кодта 67 килограммы уӕзы, дыккаг та - 30 кг уӕзы.

"Дыууӕ лӕппу дӕр стох кодтой иттӕг хорз. Уый размӕ сӕм цы чысыл фиппаинӕгтӕ ӕвзӕрд, уыдон иууылдӕр иуварс ӕрцыдысты, цыдӕриддӕр сын техникон хӕслӕвӕрдтӕ уыд, уыдон сӕххӕст кодтой нывыл. Рахызтысты ӕмӕ рӕсугъд тохтӕ ауагътой", - бахахх кодта уый.

Гӕджиты Гурам у фӕсивӕды хсӕн иуыл ӕнтыстджындӕр архайгӕ боксер. Фӕстаг азты ӕрмӕст уымӕн бантыст Уӕрӕсейы фыццагад рамбулын. Куыд 2021 азы йӕ кары ӕмӕ уӕзы категорийы лидер, уый стох кодта Европӕйаг ерысты ӕмӕ рамбылдта бронзӕйон майдан.
© Их архива тренера А. ДзигоеваХуссар Иры дыууӕ боксеры рамбылдтой Домбайы кубоктӕ
Боксеры из Южной Осетии  выиграли турнир в КЧР - Sputnik Хуссар Ирыстон, 1920, 20.04.2022
Хуссар Иры дыууӕ боксеры рамбылдтой Домбайы кубоктӕ
"Гӕджиты Гурам у иттӕг хорз боксер, фӕлӕ Багаури Тамаз дӕр йӕ кармӕ куы ахӕццӕ уа, уӕд фӕстӕ хъуама ма лӕууа. Абоны онг нырма никуы фӕхӕрд, уымӕ дӕр ӕнхъӕлмӕ кӕсы Уӕрӕсе ӕмӕ Европӕйы ринг", - бахахх кодта тренер.
Хъӕрӕсе-Черкесы республикӕйы сӕдӕ азы юбилейы цытӕн ӕхсӕнрегионалон турнир "Кубок Домбая" цыд 12-19 апрелы. Хуссар Ирыстонӕй дзы хайад истой ӕрмӕст дыууӕ боксеры.
© Их архива тренера А. ДзигоеваХуссар Иры дыууӕ боксеры рамбылдтой Домбайы кубоктӕ
Боксеры из Южной Осетии  выиграли турнир в КЧР - Sputnik Хуссар Ирыстон, 1920, 20.04.2022
Хуссар Иры дыууӕ боксеры рамбылдтой Домбайы кубоктӕ
Ног хабӕртты лентӕ
0