Хуссар Иры сцалцӕг кӕндзысты магистралон доныхахх "Едыс-Цхинвал"

© Sputnik / Фатима ПлиеваДоныхахх Едыс-Цхинвал
Доныхахх Едыс-Цхинвал  - Sputnik Хуссар Ирыстон, 1920, 20.04.2022
Бафыссын
Yandex newsTelegram
ЦХИНВАЛ, 20 апр — Sputnik, Плиты Фатимӕ. Хуссар Ирыстоны 2023 азы Инвестицион нывӕзты фӕлгӕтты фӕнд кӕнынц сцалцӕг кӕнын "Едыс-Цхинвал"-ы магистралон доныхахх ӕмӕ донӕмбырдгӕнӕнтӕ, фехъусын кодтой Sputnik Цхинвалы администрацийы пресс-службӕйы.
Ацы уалдзӕджы та Хуссар Ирыстоны сног сты донифтонгадимӕ проблемӕтӕ. Столицӕйы уавӕр фӕхуыздӕр ис доныхахх "Уанат-Цхинвал"-ы скуыстӕй, фӕлӕ "Едыс-Цхинвал"-ӕн та хауы йӕ гуырахст, бирӕ ӕзты дӕргъы капиталон ӕгъдауӕй рацарӕзт кӕй не рцыд, уый аххосӕй.
"Водоканал" ӕмӕ Арӕзтады министрад иумӕ ауагътой къорд мадзалы доныхаххы цалцӕг 2023 азы Инвестицион нывӕзтмӕ бахӕссынӕн. Йӕ фӕлгӕтты хъуамӕ магистралон трубӕйы 61 метр ӕмӕ донӕмбырдгӕнӕнтӕ цалцӕг ӕрцӕуой. Уый фӕрцы фӕфылдӕр уыдзӕн доны гуырахст ӕмӕ гом линитӕ иу кӕнын нӕ хъӕудзӕн", - хъусын кӕны мэрияйы пресс-службӕ "Водоканал"-ы генералон директоры хӕдивӕг Джиоты Ингайы ныхӕстӕ.
Уагдоны ма зӕрдыл ӕрлӕууын кодтой, столицӕйы кӕцыдӕр районтӕ кӕй ракодтой донифтонгады графикмӕ.
"Текстилон фабрикӕйы районмӕ дон лӕвӕрд цӕудзӕн изӕры ӕхсӕз сахатӕй ӕхсӕвы иуӕндӕс сахатмӕ. Столицӕйы хуссар фарс дон исдзысты райсом ӕхсӕзӕй иуӕндӕс сахатмӕ", - бафтыдтой пресс-службӕйы.
Уымӕй размӕ донифтонгады уагдоны фехъусын кодтой, уалдзыгон донивылдты ахоссӕй графикмӕ кӕй ракодтой Мӕскуыйаг микрорайон ӕмӕ посёлок Дзау дӕр.
Микрорайон Мӕскуыйаг  - Sputnik Хуссар Ирыстон, 1920, 18.04.2022
Уалдзыгон ивылдты аххосӕй Цхинвалы район "Мӕскуыйаг"-ы донифтонгад ракодтой графикмӕ
Ног хабӕртты лентӕ
0