"Хӕстӕн сабийон цӕсгом нӕй": Цхинвалы скъоладзаутӕн радзырдтой нацистты фыдмиты тыххӕй

© Sputnik / Элина Габараева"Хӕстӕн сабийон цӕсгом нӕй": Цхинвалы скъоладзаутӕн радзырдтой нацистты фыдмиты тыххӕй
Хӕстӕн сабийон цӕсгом нӕй: Цхинвалы скъоладзаутӕн радзырдтой нацистты фыдмиты тыххӕй - Sputnik Хуссар Ирыстон, 1920, 27.04.2022
Бафыссын
Yandex newsTelegram
ЦХИНВАЛ, 27 апр — Sputnik, Гӕбӕраты Элина. Хуссар Ирыстоны сӕйраг горӕты хистӕркъласонтӕн радзырдтой, куыд равзӕрд фашизм, цавӕр фыдмитӕ кодтой нацисттӕ Стыр Фыдыбӕстӕйон хӕсты рӕстӕджы, уый тыххӕй.
Скъоладзауты раз лекци "Хӕстӕн сабийон цӕсгом нӕй" фӕлгӕтты ралӕууыд педагогон зонӕдты доктор, доцент, Мӕскуыйаг лингвистон паддзахадон университеты профессор Александр Мазурицкий.
Лекци ӕххӕст уыд цӕстуынгӕ ӕрмӕджытӕй ӕмӕ къамтӕй. Скъоладзауты зӕрдыл ӕрлӕууын кодтой, чи уыд Адольф Гитлер, куыд равзӕрд "игӕргъуыз емынӕ ӕмӕ нацистты идеологийы тыххӕй. Зонӕдты доктор йӕ хъусдард аздӕхта ахӕм фарстмӕ, зӕгъгӕ, абон фӕсивӕд цъус кӕй зоны Стыр Фыдыбӕстон хӕсты тыххӕй.
© Sputnik / Элина Габараева"Хӕстӕн сабийон цӕсгом нӕй": Цхинвалы скъоладзаутӕн радзырдтой нацистты фыдмиты тыххӕй
Лекция Александра Мазурицкого У войны недетское лицо  - Sputnik Хуссар Ирыстон, 1920, 27.04.2022
"Хӕстӕн сабийон цӕсгом нӕй": Цхинвалы скъоладзаутӕн радзырдтой нацистты фыдмиты тыххӕй
Мазурицкий радзырдта, Гитлер фондз мӕйы дӕргъы ахӕстоны кӕй бадт ӕмӕ ӕппӕт уыцы рӕстӕджы фыста чиныг "Мӕ тох".
"Уый уыд 1925 азы ӕмӕ уӕд дӕр Германийӕн уыд Советон Цӕдис ӕмӕ дзы цы адӕм цардысты, уыдон скуынӕг кӕныны нывӕзт. Гитлеры теоримӕ гӕсгӕ, адӕм иууылдӕр дих кӕнынц ӕртӕ къордыл: культурӕйы бындурӕвӕрджытӕ, хӕсджытӕ ӕмӕ пырхгӕнджытӕ. Фыццаг дыууӕ къордмӕ хауынц ариӕгтӕ, ӕртыккӕгтӕ та стӕм мах иууылдӕр - ӕнӕххӕст адӕм", - загъта уый.
Доцент бахахх кодта, зӕгъгӕ, Гитлеры чиныгмӕ гӕсгӕ ариаг хаттмӕ цы адӕм нӕ хауынц, уыдон хъуамӕ ма уӕвынад кодтаиккой, уымӕ гӕсгӕ сӕ хъуыд скуынӕг кӕнын ӕмӕ зӕххыл ныууадзын ӕрмӕстдӕр ариӕгты.
Мазурицкий ма радзырда сывӕллӕттӕн мӕлӕты лагерьты тыххӕй дӕр, банысан кодта, цавӕр ролы хъазыд ариаг идеологи ног фӕлтӕртӕ хъомыл кӕныны фарсты.
© Sputnik / Элина Габараева"Хӕстӕн сабийон цӕсгом нӕй": Цхинвалы скъоладзаутӕн радзырдтой нацистты фыдмиты тыххӕй
Лекция Александра Мазурицкого У войны недетское лицо  - Sputnik Хуссар Ирыстон, 1920, 27.04.2022
"Хӕстӕн сабийон цӕсгом нӕй": Цхинвалы скъоладзаутӕн радзырдтой нацистты фыдмиты тыххӕй
Скъоладзаутӕ лӕмбынӕг хъуыстой профессормӕ. Хистӕркъласон Азӕмӕт банысан кодта, ацы лекцийы фӕрцы бирӕ ногдзинӕдтӕ кӕй базыдта стыр Фыдыбӕстӕйон хӕсты тыххӕй.
"Абон дзырд цыд легендарон хъайтар булкъон Ксантыйы тыххӕй дӕр, кӕцыйӕ интервью райста Эрнест Хемингуэй йӕ роман "По ком звонит колокол"-ы тыххӕй. Ӕз ӕнӕмӕнг балхӕндзынӕн уыцы чиныг ӕмӕ йӕ бакӕсдзӕн - уый у нӕ ногмдзыд ӕмзӕххон", - радзырдта лӕппу.
Уымӕй дарддӕр ма абон хорзӕхджын ӕрцыдысты сывӕллӕтты нывты конкурсы уӕлахиздзаутӕ. Конкурс арӕзт ӕрцыд Сталинграды бынмӕ немыцаг фашистты ныппырхы боны цытӕн. Йӕ организатортӕ - Россотрудничество ӕмӕ организаци "Россы".
© Sputnik / Элина Габараева"Хӕстӕн сабийон цӕсгом нӕй": Цхинвалы скъоладзаутӕн радзырдтой нацистты фыдмиты тыххӕй
Лекция Александра Мазурицкого У войны недетское лицо  - Sputnik Хуссар Ирыстон, 1920, 27.04.2022
"Хӕстӕн сабийон цӕсгом нӕй": Цхинвалы скъоладзаутӕн радзырдтой нацистты фыдмиты тыххӕй
Ног хабӕртты лентӕ
0