Хуссар Иры скъоладзаутæ хайад райсдзысты Цæгат-Кавказаг олимпиадæты

Ног фæлтæр хъуамæ зоной, ахуырадæн кæй ис аргъ
Бафыссын
Yandex newsTelegram
Дзæуджыхъæуы ахуырадæн æххуысæн Фонд "Кредо-знание" уадзы интеллектуалон ерысты фыццаг Цæгат-Кавказаг олимпиадæ хистæркъласонты ᾿хсæн. Олимпиадæ цæудзæн 26-29 апрелы физикæ, математикæ, хими, биологи, информатикæйы предметтæм гæсгæ. Куыд цæудзæн мадзал, уый тыххæй Sputnik радзырдта фонды директор Бæззаты Александр.
Йæ ныхæстæм гæсгæ, олимпиадæйы хайад исдзысты 10 æмæ 11-æм кълæсты ахуыргæнинæгтæ Цæгат Кавказаг федералон зылдæй æмæ Республикæ Хуссар Ирыстонæй. Алы регионæй дæр цæуынц фæндзгай адæймаджы.
Фонды директор банысан кодта, фæуæлахизуæвæгæй нымад кæй æрцæудзæн, фылдæр баллтæ чи райса ,ахæм хистæркъласон. Фидæны фæнд кæнынц ацы олимпиадæ уадзын æрвылаз, Цæгат Кавказы Федералон зылдтыты регионты радгай.
"Мах зонæм, фæсивæды ᾿хсæн ис тыхы культ, ома зонæм тынг бирæ номдзыд спортсменты, æмæ уый æвæрццагæй æндавы спортивон фæстиуджытыл. Хъыгагæн, нæ ахуырдзауты интеллектуалон æнтыстытæн ахæм резонанс нæй", - банысан кодта Бæззаты Александр.
Уый ма банысан кодта, ацы мадзалы нысан кæй у ахуырады кадыл уæлæмæ схæцын, цæмæй ног фæлтæр зоной, ахуырадæн кæй ис æцæг стыр аргъ æмæ нысаниуæг.
Бæстондæрæй æрмæгмæ хъусут Sputnik Хуссар Ирыстон, 106.3 улæныл.
Ног хабӕртты лентӕ
0